Sport News

Fernando Torres: Leitlun thuthangca tamsawn in ‘Liverpool’ a suah san mai a zum lai ah Torres ih agent Jose Antonio Peton cun 2010-11 season khalah ‘Liverpool’ ah a lek ding tiah a ti.

Spain ram suak Torres hin ‘Liverpool’ a umlai hmuahhmuah ah a umnak club cu a sawisel dah lo ih, Liverpool khalin dawi suah an tum dah lo tiah Jose Antonio cun a sim bet. Asinan Torres cu ‘Liverpool’ ih a contract a cem ruangah mi tampi cun club dangin an lei an zum ih, ahleice-in Chelsea cu Torres lei duh ti ih zumbik a si.

Torres hin 2009-10 season sungah vei (32) a leknak ah goal (22) a thun ih, Premier League vial ahcun vei (22) a lekih, goal (18) a thun. Torres cun Liverpool manager ‘Rafael Banitez ih ruahnak cu thupi tukih ret loin, “2009-10 season harsatnak cu ka hngilh duh ih, World Cup ah kan ram hrang nasazet in ka zuam sal ding” tiah a ti.

Francisco Alcacer: Arsenal cun Valencia club ih Alcacer (kum 15) cu hmailam can hrangah lei a tum. Cesc Fabregas khal sterling pound 80 million rori in a lei ngam. Barcelona cun Fabregas hi sterling pound 40 million in lei an rak tum rero. Arsenal cun Bolton defender ‘Gary Cahill’ khal lei an duh ih, Bolton cun sterling pound 14 million an ngen.

Nikola Zigic: Birmingham City cun Valencia club ih Nikola Zigic cu sterling pound 5 million ih lei dingin biak awknak an tuah zo. Nikola hi 6 feet 8 inches lai ih sang a si.

Stephen Ireland: Manchester City ih midfielder Stephen Ireland cun a umnak club ih thuneitu pawl hnenah ‘club’ suahsan dingin a dil. Stephen cun ‘Manchester City’ hrangah ‘first-team’ ih a tel ban lo ruangah suah a dil tiah thuneitu pawl cun an sim.

Diego Tardelli: Brazil culbAtletico Miniero’ cun Liverpool le West Ham pawl hnenah ‘striker dingah Diego tardelli’ cu sterling pound 5 million in a dil. Liverpool le West Ham in zianghman an sim thei hrih lo.

Jose Maria Guti: Blackburn cun Real Madrid ih Jose Maria Guti leinak dingah sumpai a sam ih, an club sungih midfielder Vince Grella (Australia) cu Turkey club Galatasaray hnenah zuar a tum.

(Visited 76 times, 1 visits today)

Comments

comments

Comments

%d bloggers like this: