South Korea Leh North Korea Kapaw

Combodia Ram Ah Mipi Cil That Aw Tam

Bodies are displayed in front of the suspended bridge where they found death in Phnom Penh on Nov. 23, 2010 after at least 345 people died in a stampede while millions were out on the streets of the capital to enjoy the final day of the three-day Water Festival, which marks the reversal of the flow between the Tonle Sap and Mekong rivers.Combodia ram khawpi Phnom Penh ih Water Festival an hman nak hmunih mipi pawl cilbuai awk ciamco ruangah minung 345 an thiih, minung 400 lenglo in hriamhma an tuar. himi Water Festival puai hmang dingin  minung Million 2 lenglo an pungkhawmih, himi Water Festival lawmnakih Diamond Isalnd ih Concert zoh tumtu pawlcu lilawn pakhat ah khatlam leh khatlam ihsin an nawraw ciamco ih, lilawn laifangih um pawlcu a hnuai ih tidai sungah an tla ih mi hrekkhat in lilawn tlangih thirhri an pawkih cumi ihsin Electric in a rak kaihih, curuangh himi vanduai nak rapthlak hi a thleng a si.
Combodia ram Prime Minister,  Huu Sen cun  himi Vanduai nak thlensan hi zingzoi dingin thupek a suahcih ih, hi Vanduainak rapthlakzet thlenghi an ramih Khmer Rouge ih rorel laih an ram mipi tamzet a thah ciamco  hnuih buainak rapthlak thleng hmaisa bik a si tiah an ram PM,  Huu Sen cun a simih, himi mithi pawl sun nak dingah an ram Cozah zung hmuahmuah cu thaisunah an ram Thantar a ban laifang tiang lawngih tar dingin thu a suah.
An ram Cozah thupuangtu,Khieu Kanharith in a sim nakah mipi an cilbuai awk ciamco ruangah minung 50 hrawngcu lilawn hnuaiih tidai sungah an tla ih, lilawn tlangih thirhri zaam pawlcu an sahim nakdingih an pawk ruangah Electric in a kaih ih curuangah mithi an tamnak a si tiah a sim.

South Korea Leh North Korea Kapaw

People look as smoke rises from South Korean Yeonpyeong Island after being hit by dozens of artillery shells fired by North Korea November 23, 2010 in this picture taken by a South Korean tourist. REUTERS/Yonhap Mizan zingah khan ram ngaih awlo zet North Korea leh South Korea ralkap pawlcu an ram ritawknak Yeonpyeong tikulh kiangah an kapaw ih  South Korea ralkap pakhat a thiih, lawng ralkap 3 leh Civil mi 2 in hriamhma an tuar. South Korea Cozah cun himi an kahawk nakah North Korea ralkap pawlcu meithal hmetpuak hmaisa ah a puhih, North Korea ralkap,pawlin an ram ralkap lam hawi in meithal voi 200 lenglo an kah hnuah an ram ralkap pawlin an kaplet fang a si tiah an sim.
Himi thuah North Korea Cozah lamcun ziang thuhman a relsuak hrihlo ih, Yeonpyeong tikulh ih um mipi pawlcun North Korea ralkap pawlih thilti ruangah minung umnak In tampi a siatih, ningttih leh thlaphangin  minung tamzetin hmunhim lampanin an tlan tiah ansim.
Yonhap News Agency in a sim nakah  hi buainak ruangah South Korea Cozah cun himi tikhulah raldo nak Vanzam leh ralkap a kuatcih tiah asimih, buiank sosang a suakbet ding ti an phanthu khal an sim.

Aung San Suu Kyi Leh A Fapa Tongaw

Aung San Suu Kyi ih fapa naute sawntu Kim Aris cu mizan ziangah a nu tongdingin Rangoon khawpi Airport ah a ttumih, a nu leh a ngaina tu minung tamzetin an rak hmuak. relzo vekin Aung San Suu Kyi hi a liamcia kum 21 ihsin tikcucaan  tamsawncu lengsuak theilo in ralkap Cozah in an hrengtar ih, a pasal Michael Aris in  kum 1999 ah Cancer natnak in a rak thihsan.
Aung San Suu Kyi leh Michael Aris hin fapa pahnih an nei ih, a fapa nauta sawn Kim Aris hi Britain ramah a umih, a nu hmuh tumih Burma ram tlawntheinak voi tampi a rak dil reo zonan Burma thu neitu Ralkap Cozah in siannak an rakpe duhdahlo. cumi ih hleiah Aung San Suu Kyi hi a fapa pawlih cakuat mi voikhat lawng dawnter a si.
Burma ralkap Cozah in Aung San Suu Kyi an suahhlan ihsin a fapa Kim Aris hin a nu hmuh tumih Thailand ah a rak umcia  ringringih, Kim Aris tei nufa hmuhawk neta bikcu kum 2000  December thla kha  si. A fapa upa sawntu  Alexander Aris hi US ah a umih a nu thawi an hmuhawk lonak kum 10 lenglo a reivezo. Aung San Suu Kyi hin a fapa Alexander Aris ih fate pawl a hmuhrihlo.
Burma ralkap Cozah in Aung San Suu Kyi an kaih hmaisa bik kha kum 1989 a siih, khami laiah a fapa upa sawntu Alexander Aris hi kum 16 mia siih a nauta sawntu Kim  Aris hi kum 11 mi a  si. Aung San Suu Kyi cun a fapa Kim Aris  cu Burma ram sungih thlakhat um theinak petu thu neitu pawl hnenah lungawithu a sim.
Bangkok ih Britain Embassy cun Kim Aris in Burma ram a luh nak sanhi Politics ruangah a silo tiah an simih, Asinan  Aung San Suu Kyi in umdan leh hawiher cu Burma ram ralkap Cozah cun an zoh thlingthla ringring ih,mipi khalin an ngaiven zetih theih a si.

Comments

comments

One Comment

  1. Nu le fa tawng awk cu. ziangtluk a sunglawi ding!

Comments

%d bloggers like this: