South Korea In Internet Connection Neithabik

South Korea in Internet connection neithabikgtjg

USA ih Akamai Technology company in a zingzawinak ah South Korea ram cu leitlun ah internet connection nei thabik (nei cakbik: the world’s highest aver- age connection speed) a si tiah 2009 kum ih July ihsin September suak ‘state of internet report’ timi cun a phuang. A tlangpi in South Ko- rea ram ih internet pawl cu 14.6 Megabytes per second (Mbps) a si ih, a pahnihnak Japan cu 7.9 Mbps a si. Pathuamnak Hongkong (Tuluk ram) cun 7.6 Mbps an nei. Palinak cu Roma- nia, panganak Sweden, paruknak Ireland, pasarihnak Netherland, pariatnak Switzerland, pakuanak Denmark, pahra nak Czech Repub- lic an si. USA cu 18 nak a si ih 3.9 Mbps hmangtu a si. Asia ram ih khawpi 10 cu 15 Mbps hmang ban an si. High boradband hmangtu lakah South Korea cu 74% a si ih, Japan cu 60%, Hongkong 46% a si. Broadband nei thabik hrilsuahnak ah US cu (12) nak a si ih, 24% hmangtu a si. – AFP

Tlawngta nunau in a thianghlimnak a zuar

Kan dung tlawngkai nithum ah New Zealand ih phunsang tlawngta nunau pakhat cun an tlawng bomnak ding hrangah a thianghlimnak cu NZ$ 45,000 (RM109,000) in a zuar ih, a duhtu hrangah lei thei a si tiah amah le amah a phuang aw. Hih nunau hi kum (19) a si ih, amai’ web site ahcun fala thianghlim a sinak le zokhal sumpai a kuan tam theibik cu a ihpi ding tiah a ngan aw. Web site sungih a ngan betmi cu ‘Duhnungzet ka si ih, ruangrai mawizet, harhdamzet le nunau pian mawizet’ tiah a ti aw. A thok pek ahcun cuih nunau cun sumpai ziangzat cekci ti’n ngennak a nei lo na’n website zohtu mi 30,000 lakih 1,200 cun sumpai an pek sian zat an kuat tikah a netabik NZ$ 45,000 cu a lungkim pi thei ti a si. – AFP

Britain in kuak fawp malter a tum

Britain acozah cun kan dung tlawngkai nikhat ni ah kum (10) sung a rak buaipi zo mi kuak fawptu malter vivo cu ahlan hnakih cak sawn in a fehpi ding tiah a phuang saal. Ram sung ih kuak (cigarette) tuahnak cetzung le kuak fawhnak hmun pawl cu a malter vivo ding ti a si. Tu dinhmun ahcun ram sung mipi 21% cun kuak an fawp ih, kum 2020 ahcun 10% tiang tumter a um thu le, a hleice in mino pawl kuak fawp lo dingin forhfial a tum thu a sim. – Reuters

Hram: Hruaitu, Malysia LCF  Zarthtin Thuthang

(Visited 47 times, 1 visits today)

Comments

comments

Comments

%d bloggers like this: