South Korea Ih US Palai Namte Thawn Tuahmawh Tuar

US Palai
BBC : US ram ihsin South Korea ih Palai ( Ambassador ) tuantu Mark Lippert cu, namte tuahtu Kim timi pa cun, March 4, 2015 zianglam ah a hmai ah a sun / dawt ruangah hliamhma a tuar ih, sizung panpi a si thu le operation an tuah thu BBC cun a tarlang. Mark Lippert hi tuihlan ah US assistant secretary of defence rak tuan dahtu a si ih, 2014 ihsin South Korea ah Palai hnatuan dingin US cun a thlahmi a si.

Mark Lippert cun March 4, 2015 zinglam ah, Seoul khawpi sung ih Dawr pakhat ah thaithawh ei dingin a tuanpi pawl thawn an feh. Thaithawh einak ding ih an remruahmi dawr sung ih an um lai ah, Kum 55 mi, Kim tiih theihmi pa cun, “North Korea le South Korea ramhnih remaw seh. Doawknak hrang zir a tul lo” tiih au phahin Mark Lippert cu namte thawn a dawt / sun. Sizung lam panpi hngal a si ih, a hliam a na tuk lo tiin an sim.

Mark Lippert dawttu Kim hi tuihlan khalah hivek in a rak cangvai dah zo. 2010 July ahkhan, South Korea ih Japan Palai cu concrete phel thawn a rak deng dah zo. Cumi thuhla ruangah kum 2 sung thawng rak tla dahtu a si fawn. Tuitum ih a lungawi lonak san cun, South Korea le US ralkap pawl cun ral dodan an zir ruangah a si. US le South Korea ih raldo an zir ruangah, North Korea hotu Kim Jong-Un khal a lungawi lo zet.

Comments

comments

Comments

%d bloggers like this: