SOISEL DING MAW SOISEL LO DING

January 9

Tlawngkai Ninga

 

Soisel ding maw Soisel lo ding

 

Siar:

Matthai 7:1-21

 

Mi va soi hlah cuticun Pathian in a lo soi ve lo ding. –Matthai 7:1

 

Kumkhat sung Baibal:

          Seemtirnak 23-24

          Matthai 7

 

Mi pawl anmahte an hnattuan ttuan rero men dingah ziangti’n raalrinnak pek a ttha? Baibal a siar dah lotu pawl cun an duh lo zawngih ttongtu daite’n um dingah Matt 7:1 thu an saal ttheu. “Mi va soi hlah, nang khal soi na si ve lo ding,” ti cu thulehnak tthazet a bang.

 

A thu um daan ah a dikin mi va soi daan ding in khihhmuh; dik lozet ih mi va soi ding hrial a ttul. Cun soiselnak cu mah le mah ah thok ding a si. “Na mit sungih thingtum kha suah hmaisa ta awla cuticun na unau mit sungih mit-hnawm cu fiang te’n na hmu thei ding,” tiah Jesuh in a ti (c. 5). Himi tla mi soiselnak dingah theih ttulmi a si, a dik lomi ihsin a dikmi theih kan ttul.

 

Jesuh in thutthen hliah thei dingah an tuahmi rah zoh ding tahtthimnak a hmang. An tuahmi rah in nan theithiam ding (c. 20). Mi ziangvek an si (mah le mah khal tel in) ti cu an tuahmi in nan thei thei ding. Cuih tuahmi rah cu leitlun hmuhnak a lenglam mawinak in zoh hlah uh (c. 15). Vanlam thil in tah uh, kan sungih a rah suakmi, duhdawtnak, lungawinak, hnangamnak (Gal. 5:22).

 

Kannih cun a lenglam ih lang daan in tah kan duh ttheu. Asinain Pathian cun kan tuahsuakmi in a tah, kannih tla cuvek in tuah ding kan si.

 

Duhdawtnak ih hruaimi pawl cun thungai in an hruai,

Tangdornak thawn Bawipa an rian;

An nun in thlarau rah a rah,

A thu a nungter.

 

Midang va soisel lohli hlah, nangmah soisel aw hmaisa aw.

Comments

comments

Comments

%d bloggers like this: