Social Media Rolung

1795675_10203626899805952_1672913892667877563_n

Salai Lal Ram Lian

1999
April: “LiveJournal” timi blogging site le social network pianhmang keng din a si. Rualpi cazin le rualpi ih blog thawn pehtlaih theih dingin tuah a si.
2001
January: “Wikipedia” timi online encyclopaedia a rung suak. Zalen zetih zoh theih dingin le sungtelpawl in a sung ca duhtawkih rem le zohdik theih dingin tuah a si.
2002
March: “Friendster” timi social networking site a rung suak. A hleicein South-east Asia ah a lar zet.
2003
May: “Linkedin” timi tlangzarh a si. Hnaṭuantupawl pehtlaihawknak hrangih tuah hleice mi a si.

August: “MySpace” timi tlangzarh a si. A hleicein awnmawimipawl lakah a lar.
2004
February: “Facebook” cu Harvard phunsang tlawngta Mark Zuckerberg in a tlangzarh thawk. A thawk ah cun Harvard tlawng sung vial hman dingih tuah a si. Zuk zoh, zuk ret, rualpipawl thawn zuk hlawmawk, tvk., a theih.
March: Facebook in a hnaṭuan cu North America ih phunsangtlawng zate huapin a ram a kauh.

2005
February: “Youtube” timi zuknung zoh, zuknung ret le mipi thawn zuknung hlawmawk theinak cu tlangzarh a si.
September: Facebook in North America ih suakthuan tlawngpawl ah siseh Apple le Microsoft thawi hnaṭuantlangnakin a ram a kauter bet.
2006
July: “Twitter” timi micro-blogging site tlangzarh a si. Hmangtupawl in an ruahnak le thilcangmipawl tharhlam zetih hlawmaw thei dingin tuah a si.
September: “Facebook” cun kum 13 tlun, imel diktak neitu a si ahcun a hmang duhtu zate’n hmang thei dingin a tuah.
2008
November: US ramhotu hrilawknak ah Barack Obama in nehnak a co. Mi tampi cun social media nasa takih a hman ruangah a tel phah, tiin an ti.
2009 April:

Cangtupa Ashton Kutcher cu Twitter ih thluntu (followers) million khat hnakih tam nei hmaisabiktu a si.
2010 October:

Pop zaithiam Lady Gaga cu YouTube ih zuknung zohtu billion khat lenglo nei hmaisabik a si (zuknung 20 a retmi zohtu hmuahhmuah kawmkhawmin). Anih hi 2010 October thla tiangah Twitter ih thluntu nei tambik (million 7 zikte) khal a si.
The Straits Times, 27-10-2010

(Visited 141 times, 1 visits today)

Comments

comments

Comments

%d bloggers like this: