Snapshot Interviewed with Burmese Actress-Singer May Sweet

CT                   : Kawlram mipi in kan lo theihlarzet mi May Sweet timi hi na hmin ngaingai  a si maw??

May Sweet      : Hehehehe…….. May Sweet timi cu mipi in theihlarmi hmin a siih ka hmin pumhlum cu Swe Aye Myint sawn  a si.

CT                   : Ziangtik kum ihsin zaihla sak na thok? Mipi theihlar bikmi na hla ziang a si pei?

May Sweet      : A kum ka lo sim dingih casiartu tampi nan suak hrih ding ka zum lo, kum-1976 ah a si. Mipi thiehlar dingmi cu a tamzet ih “KO GYI” timi a tlangpi deuh in an theihlarbik mi tiah ka ruat.

CT                   : USA ah ziangtik kum ihsin na um thok ih ziangruangah bikah USA na ra um tin lo sut sehla rem na ti maw?? Papi thawn ziangtin nan tongaw thiam?

ICC Sungtel PawlMay Sweet      : Aw!! A poi lo ee…. 1998 kum ah a siih ka pasal ka thlun cu asibik. Tuih ka pasal leh a rualpi pawl Fundraising concert,USA 1993 ah in sawm ve ih cuticun kan ngaiaw cih ih 1998 ah kan nei aw.


CT                   : Tu US ah hlasak lo dang ziang dang tuanmi na nei maw?

May Sweet      : Mopui,Concert tivek ih hlasak tivek ka feh lo caan ahcun Early Childhood nauhak tualleng tlawngah zirhtu ka tuan.

CT                   : Hlasak dingin sawm na si ringring theu tiin kan thei ih thlakhat vei ziangzat hrawng mipi na awih theu?

May Sweet      : Old But Still Young tin lo ti sehla… amalbik thlakhat veikhat cu sawm ka si ringring lai.

CT                   : Kawlram thlengdang lamnak ahteh ziangvek ruahnak na nei?

May Sweet      : Daw Aung San Suh Kyi  le Thei Sein in kaihruainak thawngin kan ram kilkip thanso vivo ka beisei. Sihman sehla mipi kan thinlung, ruahnak ziangkim thleng danglam ding ahcun kum tawkfang kan rei hrih ding tiah zum a um. Kum-1961 laiih leitlun ih ram neinung bikcu tuisan ah ram farah bik ah kan cang hi cu poi ka ti ngaingai.

CT                   : Kawlram Chin mi na hmudah ciamco ding kan zum lo ih USA ah tampi na hmu vutvi tikah ziangtivek ruahnak na nei timi in sin thei pei maw?

May Sweet      : Yangoon ih University tlawng kan kai laiah Chin timi miphun hmuh ding hi a um lo tluk  a si. Asinan USA ka tlawng vivonak ah Chin mi tamzet ka hmu hngai ih ka mang a bangzet. Ka hmuhton mi le ka kom mi pawl ahcun Chin mi pawl Education lam ah nan tawk riai, cathiam le mifim nan tam.

CT                   : Chin mi pawl na ngaisangnak bik in sim thei pei maw?

May Sweet      : Chin mi ram thangso thleng hmaisa le fim hmaisa pawl in dunglam ih nan taanta mi Chin midang pawl duhsak thinlung thawn nan sawmdawlnak hi mak ka ti bik nak a si. Hnamdang a hleice Kawl miphun pawl in hivek lungput an nei lo.

CT                   : Chin mi hlasak thiam lak ihsin na theimi le aur-mi na nei maw?Kawlram santhar mino hlasak pawl teh ziang an bang?

May Sweet      : Santhar hlasak thiam Chaw Suh Khin hi ka aurbik ih ka hla tampi tla a sak sal. Mi upat a thiamzet, tuisan thangthar mino duh pohpoh ih hlasak pawl in senior pawl zianghman in siar lomi poi ka ti zet.

CT                   : Ziangruangah Copy hla lawnglawng an sak?

May Sweet      : Hihi thil poizet pakhat cu asiih pumcawmnak pakhat a si ruangah rel a harzet, kan zuam lo leh tum lo ruangah a si bik in ka thei. A ra lai dingmi 2014-2015 ah copy hlasak a ngah nawn lo ding tiin thuthar pakhat ka thei.

CT                   : Salai Sun Ceu le Salai Thuah Awng te pawl teh ziang an bang?

May Sweet      : Annih pahnih cu ka hlan pi ihsin hlasak an siih kan komaw man lo nan anmah vek Quality neimi singer/composer kan tul a si. An hla pawl zohtik ah Copy Tune tla a um loih original air-awmsuak lawnglawng a siih upat pek an si.

 

CT                   : Movie Star le Singer a pahnih in na rak sidah ruangah khoimi na hril sawn?

MaySweet      : Zuknung lemcuang tivek cu Acting tamtuk ih mipi lak tlang khal remcang lo nak can tampi a um. Zuknung lemcang ding in sawm konan Hlasak ka hril sawn ziangah tile mai duhdan vek cekci mipi thawn cangvaih a ngah a aul-bik dingin Freedom or less stress.

CT                   :  Chin mi pawl ziangcah duhmi na nei maw?

May Sweet      : Chin mi pawl ka kom sunsun te ah nan thinlung ka lo upat zet. Fimthiam zirnak lam feh nan tam ih mipum nan mal ko ding nan Quality nei nan tam. Christian nan si ih biakinn lam ah hlasak ringring nan si ruangah American Idol lam tiang mino tete sung ihsin a tel ban nan um le ding tin zumnak ka nei. Asinan cah ka duhmi cu fimthiamnak sang zir uhla kan tlansanmi kan ram tunding sal ding kha hngilh hram lo in le ziangvek mi ropi ka si ah Kawlram mi kan sinak kha zahpi lo ding in ka cahduh hai.

CT                   : Na caan sunglawizet in pe mi parah lungawinak simcawk lo kan nei  a si.

May Sweet      : Keikhal Chin mi pawl thawn nel-aw-zet in pawlkomaw nak caan ka ngah mi parah le tha in peknak tlunah lungawinak simcawk lo ka nei ve a si.


Hminsin : Tuitum May Sweet Indianapolis arat theinak cu  Indiana Chin Community(ICC) pawl ih tawlrelnak zarah Spring Concert-2012 ah hlasak dingin sawm mi a si. Hitivek in May Sweet thawn komaw theinak caan in pe ruangah khalah ICC tlunah lungawinak simcawk ko kan nei fawn a si.

 

(Visited 243 times, 1 visits today)

Comments

comments

11 Comments

  1. Pupa cingcing, zamtha ual…, tu tum thusuh mi pawl cu lung a hmui zet ual…

  2. saya James,, says:

    Dear SC -12 organizers,

    Nan ti ttha riai ,,

    U Kawl Lian tla kan hmu fiang thei…May Sweet kiangi to kha a lo cuh deuhnan,

    an ti ka thei…

    May Sweet ih Chin mi hrang thucah mi parah….kan dungkum lai ih,,,

    I am Chin but not Burmese/Myanmar (Online parih sualawk nak) ta

    a dengkhawn (focus) deuh in karak feeling..

  3. Kawlram Singer hmuahhmuah lakih ka Upa bik mile ka Uar bik mi …

    A Interview nak ka hmuhphawt cun siar loin ka um thei lo…

    Kawl ca lawnglawng ih ka rak siar theu mi May Sweet ih Interview tu’i tumah kan lai

    ca riro ih ka siar ngah cu di a riam cuang vek…

    Lungawi ,

    MR

  4. Hlasak thiam nu hnakin interview a rak tuahtu Salai David Nun Tho kha uar um ka ti sawn.

    David good job!

  5. Ma Ruat nan bang aw deuh ih cunah si ding na uar deuh. Nang tla hlasak na thiam ve si.

  6. David Nun Tho lungawi tuk.

  7. Salai Demure says:

    Falam tong a va thiam ve. Thusut tu khal a thiam. Thusuh mi a thupi tuk.

    A thucah mi pawl tla kha theih tlak zet lawngte an si.

    Thusuttu thiam ruangah a si in ka thei May hi ka rak theinak ret nawn zo.

  8. Rual David nangmah zar liolio ruangah May Sweet thu tla ka rak siar ngah.

    Thusuh na rak thiam sinsin ual. A sannak pawl tla kha a mak tuk. Laimino America Icon tiang tel thei ding drem in neih sak kha.

    Chinmi pawl cu cathiam le ramdang thleng tam ti zawng in khal, in rak thei a bang ti aw.

    Nan concert tuah a sunglawi.

  9. David & ICC,

    Nan tittha zet. Zuam sinsin uh………..

  10. vanneizing says:

    A hmin ih sweet a tel vek rori in a thu let dan tla a thlum ngaingai, siar nuam zet si.
    lai mi in duhsak nak le a lung put te cu uar um lawlaw. Tuan vo lak tu nan zate par ah lungawi zet.

  11. Nan ti tha na sa.Actress Tet Mon Myint interview nak teh a um zo nan ka siar ngah lo maw a um rem cang hrih lo ha ke? Siar a cak um ve na sa

Comments

%d bloggers like this: