*SLENDER MAN* A UM NGAI TI LANGTER DUH AH!

Slender Man
January Van
Wisconsin middle school ih tlawngta nunau pahnih, Morgan Geyser(kehlam) le Anissa Weier (kum 12 veve) cu tu’i kan dung zarhte ni ah an rualnu(classmate) pakhat an that na’n hlawhtling loin kaih an ton thu, Daily Mail cun a taarlang.

Morgan le Anissa tei’ pahnih cu an ca siarmi “Slender Man” thuhla hi a um taktak asi ti tetti langter duhah le an thilti an hlensuak ngah thei ahcun Slender Man dung thlunin hnattuan an tum ti asi. An rualnu(kum 12 ve thotho, ID lang lo) cu that dingin thla telin an rak tawlrel cia. Zarhte ni ahcun an rualnu cu Thingrul lakah an hruai ih Naam thawn vei 19 an sun, cun an tuulthluk ih anmah pahnih cu tlanhloh an tum. Zo deuh in Naam thawn a sun ih zo deuh in Thingrul lakin a tuulthlu ti cu theihfeng asi hrih lo.

An rualnu cu ziinkap lam panin a vaak ih lamziin ih ra a hmuhmi, cycle tomi pakhat hnenah bomnak a dil. Cuti’n sizung ah an thlenpi lohli. Naam thawi’ vei tampi sun a tuar ruangah a sungril lam hmunkhat a rak pem ngah ih thihnak sung ihsin millimeter te lawng a luat ti asi.

Thah a tumtu rualvah pahnih tei’ cu Court in Nauhak daan tat loin Upa daan tat in kum 65 sung Thawngthlak dingin an tawlrel.

Comments

comments

Comments

%d bloggers like this: