SLanka Leh LTTEri

Sri Lanka ralkap pawlcun LTTE pawl cu an nawrbet vivo ih LTTE hotupa bik Velupillai Prabhakaran khal a thizo ih an zumthu an sim. Sri Lanka ralkap pawlhin  LTTE pawlih umnak hmun Vellamulivaikkal khal mizan ah an la bet ih, Sri Lanka Defence Secretary,  Gotabhaya Rajpaksa cun nazi 48 sungah LTTE pawlih umnak hmun pawl nawrcem thluh an tum thu a sim.

Hi an do awknak hmun ah mipi 20,000 lenglo cu LTTE pawlin an mah phentu ah an hmangih cu ruangah Sri Lanka ralkap pawlhin duhvek in hmai an nawr theilo tiah a sim ih UN cun do awknak karlak ah civil mipi 50,000 lenglo an tanglai tiah a simve.

Himi laiah Sri Lanka ralkap pawlin mizan sun ah  do awknak ih hriamhma tuartu pawl ret khawmnak  Mulivaikal khua ih Sizung cu Rocket in an kap ngah pangih minung 45 an thiih midang 50 lenglo in hriam hma an tuar ih hriamhma tuar lak ah bese zetzet an tam ruangah mithi an umbet dingah zum a si tiah Hospital ih hantuan tu Thurairaja Varatharajah cun a sim.

Surbung Tlang Thuthang Siarbet

Himi laiah US leh UK ram hnih Cozah cun do awknak ih mipi pawl hmunhim lamih laksuah nak dingah Sri Lanka ralkap leh LTTE pawlcu an do awknak bansan veve dingin an nawrih US Secretary of State Hillary Clinton leh British Foreign Secretary, David Miliband cun hi an do awk nak ah hin mipi tamtuk an thizo ih cui tlun ah mipi ziangmaw zat mangbang vansang in an um ih cu ruangah zo veve khalin an ralthuam retih an do awknak bansan veve dingin an nawr ih an do awknak an bansan lo a si ah cun civil mipawl ih tuar dingmi cu thil rapthlak zet asi ding tiah an simbet.

UN khalin Sri Lanka ih do awk nak cu mipi pawlih dinhmun zahsak nak leh zangfah nak zianghman umlo ih an do awk ruangah mipi tamzet an thizo ih hi do awknak cun thisen tiva luangvek a si tiah an simih an do awknak cu bansan dingin an nawr ve. LTTE pawlcun Sri Lanka ralkap pawl cu mipi duhtawk ih that leh mipi damlo umnak zizung pi khal kap ih mipi pawl that thluh tumah an puh. Sri Lanka ralkap pawlcun LTTE pawlih puhnak thucu pha in mipi pawlih umnak kiangih ralthuam tihnung an hmandahlo thu an simve.

Tu ah hin an do awknak ram Square Km 3 sungte ah mipi 50,000 hrawng an umlai ih hipawl hmundangih thiar suak zanglo a si ah cun mipi pawlih dinhmun cu thihdinglawng lamzin an nei tiah UN cuna sim. International Red Cross kahlin hi do awknak ih mipi pawl runsuah a tummi cu a hlawhsam thu a simih ei leh in ding leh thiri dang tulmi bawmnak pek a tummi khal a tulh sal thu a puangsal. LTTE Tapung pawlhi 1983 ihsin SriLanka ram ih Tamil miphun in a hrantei ram leh thu neihve an duh ruangah Sri Lanka Cozah an do ih  Minung 80,000 zikte an thizo.

(Visited 28 times, 1 visits today)

Comments

comments

Comments

%d bloggers like this: