SKRC le CT

SialkiringcinLaimi lak ih Rap (hlasam) sak hmaisa bik silo na in a mah ruangih mipi ih hlasam theih lar phah zet mi Salai Van Thang (Avan) Falam phunsang hotu khal ttuan ih Laimi tthansoh nak ding hrang tiih a theitawk ih zuam rero, mi tthen ih Sialkiringcin tiih theih larmi Chinland Today in a caan awllo lai fangah thusuhnak a nei..

CT : Chinland Today, Van: Sialkiringcin

CT      : Rap hla na rak sak thoknak a rei zo maw? Ziangmi hla na sak hmaisa bik.

Van     : Rei zo 2003 hrawng in si. Ka sak hmaisabik mi cu Sialkiringcin ih Nunnak ti mi khui in kan thok.

CT      : Sialkiringcin ih Nunnak  timi VCD nan rak suahmi hlawhtling in na thei aw maw? ziangtluk tiang na rak zuam?

Van     : Kan rak thoknak a rei nasa hi HipHop music ka rak uar nak cu a rei nan a si nan mahten phuah ding le sak ding cu harsatnak tampi kan rak tuar.

CT      : Na harsak tuar mi lak in pakhat in sim thei kem?

Van     : Harsaknak lak ih pakhat tiahcun Studio lamah si ko Sumpai len kan nei lemlo tikah Studio len kan lut dahlo thawn kha mi karlak ah kan har sabik si ko ka tthia panteh studio lut dah lo tiah.

CT      : Lai cafang pawl hi Rap ih sak dingah a har zet in na thei maw?

Van     : Rak sak pek ahcun a har ko ziangahtilen beatting thawn sak a si tikah kan sak dah lo thawn harsaknak cu a um ko a sinan ka nel deuh thlang tikah cu tluk in a har lemlo ah a cang.

CT      : Ziang ruangah SKRC tiin na hmin na bun? Dunsan nan nei maw?

Van     : SKRC ti hi kan rualpi pa 4 ih hmin a si Sialkaringcin ti ih kan hril nak cu Kan producer Mangte thawn kan pa (4)thawn khui kan tuah ding tiin ka ti tikah hmin kan pawl ih kan rak bunmi a si.

Duhsan dang ti cu Lai hmin a si ding ih roling hmin deuh hi kan duh ih cu nah khal asi ih cui hlei ah Sialkiringcin timi a thuanthu cu ka thei cio ko ding ka zum.

CT      : Laimi ah Rap hla sak hmai sabik lo tisehla a sual pei maw?

Van     : Rap hla sakhmaisabik lam cu ka si lemlo ding ziangahtilen hlan pawl ah maltete an rak sak dah zo Pathian hla pawl ah tla cu nah a hmais bik lam cu kan si lemlo ding nan Hiphop music lam tuah ah cun lai mi lakah kan SKRC cu a hmai sa lam cu kan si ding ka zum.

CT      : Ziangtin Hiphop lam nan rak sak thok timi in sim thei ke maw?

Van     : Si, hmaisabik cu hi music ka theih pek ah hin ka uar lemlo asinan midum pawl ih an nundan (bao) kha beatting thawn an sak tikah ka ngai tam sinsin ih ka duh sinsin ka sak thawk hi cu ka nau pa William tu Malay um thawn hin Eminem pawl SnoopDog ti pawl kan rak ngai ringring ih kan uar tuk ih cu nah in kan thawk si ko.

CT      : Rap hla, Hiphop le Laimi ziangtin na hmu dah a si?

Van     : Rap kan ti khal hi thu ngaite cun kan laimi thawn hla aw tuk cu a si lo Ka hmuh dan cun khuatehla an rak sam tikah hman rap thawn in nai aw te si tha ten kan ngai ahcun a sal in an sal ve cu thei.

CT      :Thangthar nonawn pawl hrangah, Rap, Hiphop la ah ziangtluk in duhsaknak na nei?

Van     : Rap le Hiphop timi cu thangthar hrang ahcu thinlung puaksuak nak pakhat a si in ka hmu; kan lungawilo nak siseh kan riahsianak siseh khakha kan salsuak mi kha si. Curuang ah mino hrang ahcun thinlung puaksuak nak hrang ah a tha tuk in ka ruat.

CT      : Kan lai nu pawl in teh hivek sak ding ah ziangtin na ruat?

Van     : Hi Rap ,Hiphop kan ti tla hi a dang music thawn danglamnak lem a um lo kan thinlung puaksuak mi kha bet parah kan sal rero si ko ih zozo khal sak theih mi music a si ko in ka ruat a si nan mai nunphung um tu dan thawn cun a remle remlo ti men si ko.

CT      :Na hlasak mi sungah ziangmi na duh bik?

Van     : Sialkiringcin ih Nunak timi vcd sung ih Caankhatkhatah timi hla hi ka duhdeuh bik ko ee pop-rap style te si cu len kan rualpi pa 4 ih kan phuah hmaisabik hla si, hi hla kan phuah ah thla 6 lai kan rei.

CT     : Asan dang teh a um, ziangruangah hitin nan rak phuah?

Van     : A thupibik cu nunau pawl kan ti duhnak san si ko tlangval pawl nih an lo uar lai ah duhawknak ah hmang hlah uh a rei len nan siraw leh ding tiih nunsim duhnak vek ih ngan deuh a si ko.

CT      : Nangmah in teh hla na phuah ve maw?

Van     : Melody lam hi cu ka phuah dah lemlo rapping hi cu ka phuah a tam ve ko kha tin mi dang thawn phuah tlang a tam.

CT      :Na Rap mi pawl hi nangmah phuah mi an si thluh maw?

Van     : Si thluhlo ee Sunsan hla pawl tla cu BJ ih cafang asinan kei mah nih kasak khavek tla a tam zet.

CT      : Leitlun hlasak thiam ah zo na uar bik? Laimi ah teh?

Van     : Salomon hi cu ka uar lawlaw si, cun Eminem, Nelly ,Black Eyepiece ih an rapper pawl a tam ko.

CT      : Laimi pawl hi hla lam ih hma kan sawn theinak dingah ziangmi a tulbik in na thei?

Van     : Paihnak , zuamnak , tumtahnak pawl hi kan tul ding ka zum, hla tla hi tam thei tawp in ngai thei seh la Hiphop, Rock , Pop a phunphun in ngai thei sehla cu lawngah idea tharthar kan ngah phah thei ding ka zum.

CT      : Kan Lai nonawn pawl hnenah ziangmi thu na cah duh?

Van     : Si, kan nih tla zuam rero lai mi kan si tikah thucah ngaingai cu ka cah ngamlo nan asinan thu hlawmnak malte cu ka pe ve duhsawn thil pakhat tuah ding cun harsak nak cu arak um tengteng a tum maw a te ti lawng men cu ruangah a thupibik cu kan tumtakmi kim theinak dingah ziangvek harsaknak khal hi kan tum tah mi ruahsannak thawn neh theiseh la ti kha ka hlawm ve duh a si.

CT      : Asile tlangval na si vek in Duhdawtnak timi ziangtin na aw suak in na rel?

Van     : Duhdawtnak timi cu a rak mak nasa fala leh tlangval duhdawtnak thu ka hmuh dan lo ruah sehla a tep dah tu lawng in hi duhdawtnak ih a sunglawizia, a thuk zia, a mawizia hi kan thei ding ka zum.

CT      : Na fala duhzawngteh in sim thei pei maw?

Van     : Ha…..ka ningvek a zak tumciamco ih ha….. si, Mi mawi ciamco cu a si cuang lo nan felfai , duhnung le Pathian tihzahmi te si thei sehla ka duhbik a tam tuk maw ka duh thusam ha…..

CT      : Laimi kan lungrual theinak dingah ziangmi kan ttul in na thei?

Van     : Si lungrualthu hla hi cu a thuk nasa kei ka hmuh dan cu Laimi kan lungrualthei nak ding ah cun Ma ih ti thei zat ciar in kan ram a si mi Lairam hrang ah hin tuan tlangsehla kan lungrual tlangthei ding ka zum, mah leh um nak cio in lungrual kan duh ngaingai a si ahcun  Mai miphun duhdawtawknak neisehla a thupi ve in ka ruat .

CT      : Nangmah a lo ngaisang tu kan ti pei cu, na fan pawl hnenah teh ziang mi na sim duh?

Van     : Kei tla zuamrero lai ka si tikah pakhat le pakhat tha pek awknak hi kan tul tuk curuangah kei tla minung ka si nak vekin nan hnen in thapek nak ka tul na sa ti ka sim duh a tul sam nak tampi ka nei lakah nan duhthusam ruah nak ka hngak hlap ringring tiin ka sim duh bet.

CT      : Mipi pawl hnenah ziangmi challenge na tuah duh?

Van     : Ka theitawk in ka tuan mi sun parah kan miphun hrangah a tel ringring ding ti ka challenge duh (ka ti thei tawk in).

CT      : Na caan sunglawi in pek ruangah kan lungawi.

Van     : Kei tla ka lungawi, kan laitong te thawn hi vek kan tuah thei hi a tuahsuaktu nan parah ka lo upat nasa ti ka lo sim thei duh.

Comments

comments

One Comment

Comments

%d bloggers like this: