Singapore Ram Ih Nunau Parliament Speaker Hmaisabik Ding

287F70BBE93063B7224372AF414F9SINGAPORE : Singapore ram ih parliament speaker tuan rerotu Michael Palmer cu, kan dung lam ah community worker pakhat thawn nu le pa sinak ah cangsual in, hminsiatnak nasatak a neih hnu ah, a hnatuan isin kan dungthla ah a cawl. Cumi aiawhtu ding hrang ah ti in Singapore Prime Minister Lee Hsien Loong cun, Halimah Yacob (nunau)cu a hril asi.

Hi nu hi State Community Development ih minister  le Youth and Sports Ministry khal ah tuanvo sang zet nei ih tuan rero tu asi. Halimah hi 1978 ah khan National University of Singapore ihsin degree ngahtu asi ih, cumi hnu ah the National Traders Union Congress (NTUC)  khal ah legal officer ih hnatuantu asi.

2001 ihsin ramthu (politic) buaipi in can a hmang ve ih, mi tampi cun a hnatuannak le a ralthatnak ihsin an duhzet mi hruaitu pakhat dinhmun ah ding in, mi ih tihzah upatnak cotu khal asi. January 14 ah Singapore parliament tokhawmnak an nei ding ih, cutawk ah hi nu hin a speaker of parliament tuanvo hi a tuan ngaingai ding maw ngaingai lo ding an rel ding.

Kum 30 tlukram thu ih a buai ve hnu ah hivek dinhmun  a ngah ding cu a lungawizet thu le, hi hna hi a ngah ngaingai asi ah cun, theihtawpsuah in a hna a tuan tum thukhal media pawl hnen ah asim thei. Amah hi Muslim biaknak betu asi ih, lukhumkhum a tul ringring mi cu mipi tamtak hnakdotu pakhat cu a si ve.

Comments

comments

Comments

%d bloggers like this: