Singapore Kawhhran Tumbik Pakhat Dintu Kai

FCC News | Singapore: Singapore ih a lianbik kawhhran pawl lakih pakhat rak dintu Pastor Kong Hee, 47, cu member 30,000 lenglo umnak City Harvest Church ih sumpai, an church building fund cu a nupi Ho Yeow Sun, 40s, United States ah music star a cantheinak dingah S$23mil (RM57mil) eiruknak in thu an khing ih June 27, 2012 Subordinate Court ah an thleng. Church executives adang mi pali tla Kong an bawm tiin thu an khing ve.

Palik pawl in kum 2 sung an thlingthla hnu ah tuvek in an kaihnak a si. City Harvest hi Christian mibur ih siannak in a dingmi a si. 2009 ah biakinn onnak puai fate tuah in, an tuatsaknak ah S$103mil (RM257mil) an nei ding, ti a si. 2009 thotho ah Buddhist phungki pakhat tla siizung fund eiruknak in thla ruk thawng an thlak dah. Sungtel hrekkhat in an mangbang zet lai ah thenkhat cun an tan ko. Ziangahtile church ih vision cu Kong nupi ih secular music hmangin khawvel mi pawl va baan thei ding hi a si, an ti ve._AFP/The Straits Times/Asia News Network

http://www.guardian.co.uk/world/2012/jun/27/singapore-preacher-charged-wife-singing-career

(Visited 130 times, 1 visits today)

Comments

comments

2 Comments

  1. Salai Vanruah says:

    Ziangvek va si khal sehla…
    Pastor nupi rori hrangah secular lampang ih rak cangvaih cu Pathian in rem a ti theilo asi ka zum. Milai mithmuh hmanah thil mawi asilo pi. 2010 lai ihsin a nupi ih cangvaihnak thuhla an relmitete ka rak thei dah.

    City Harvest Church hi ka uar zetmi kawhhran pakhat asiih an worship tla youtube in ka rak ngai ringring ttheu. An hlasakmi pawl tla ka rak zir. An khawmnak ih tel ve ka caak tukmi kawhhran pakhat asi.

  2. Maikhuaitizu says:

    Sg ahcun kawhhran lar pakhat a si ih hi thuhla ah poi Ka ti zet. Ziangruangah tile tuluk pawl zumlotu tamnak lakih tlangleng kan si, zumlotu in hivek thu an theih hi Christian si ding hi ziangti’n an interesting thei ding. Thlacamnak thawn kan rak bawm cio pei uh.

Comments

%d bloggers like this: