Singapore Ih Um Kawlram Nu S$12500 Cawh Kuan

abuse1310e
Singapore ramah um ringring theinak ngah zo (PR) a simi Accountant Kawlram nu pakhat cu a inn ih hnatuan a hnen-um kutko a thlak ruangah S$12500 cawh a kuan thu The Straits Times thuthang cun a tarlang.

Kum 34 mi Kawlram mi Ma May Thu San Kyaw Ngein timi nu cu 2012 kum October thla ihsin a hnenih hna ra tuan a hnen-um kum 25 mi cu an pathian hmai retmi pangpar beel, Nau hnawi dawng tivek pawl na kholh lo tiin puh tahratin to le ding vei 80 a tuahter tiin The Straits Times thuthang cun a ngan.

Cumi hlei ah Ma May Thu San Kyaw Ngein cun a hnen-um nu cu a kut thawn a lu ah a thawi ih a sam in a dir ti khalin thuthang ah tarlang a si.

CCTV ih a langdan ah hnen-um nu parah ningzakza dinhmun tiang Ma May Thu San Kyaw Ngein cun thungai in a tuah ti cu a langfiang tuk. Hih thu thawn pehpar in Singapore thuthennak zung pakhat in cawh an kuanternak a si tiin The Straits Times Thuthang cun a ngan.

Comments

comments

Comments

%d bloggers like this: