Singapore Ih Inn Hnaṭuan Bawmtu Hrang Kilhimnak Tuah Ding: Lungawiza Thu

Sigapore ih innhna bawmtu pawl hrangah acozah cun daanthar a tuahsak. Inn neitu pawl in an hnaṭuantu pawl hrangah kilhimnak (Insurance) amalbik ah $60000 nei dingin a tuah. October 1 ihsin hman thok a si ding.

Innhna bawmtu pawl siatsuahawknak le tuahmawhawknak pawl kilhimnak daan tuahtu pawl ih tuah mi a si. Hi daan hi 2008 ah zofel salnak an rak nei mi a siih an hlawh man thu khalah acozah pawl in zohfel salnak nei dingin Mr Tan, NTUC’s Centre for domestic Employees (CDE) cun acozah pi hnenah ngennak a nei.

Hi daanthar Ministry of Manpower (MOM) pawl ih an tuahthar mi in, rinloparal ih canghruak mi tuahmawhawknak, ralrinngahlo pang ruangah siatsuahsawknak pawl a zaten a huap tel thluh ding tiin an nemhnget ih October 1 ihsin hman thok cih a si ding. Asinan mah le mah thahawknak le theihcingih tuahhrim mi thil pawl cu a huap tel lo ding.

Daan thar ahcun innhna ṭuan bawmtu pawl, Singapore an thlen ni thok ihsin an ram sung ih an kir sal tiang a si ding tikhal in ngankhum a si. Siatsuahawknak a um tikah, inntek pawl ih cangvaihnak a um lo pang khal ah, rei pi hngak men lo in mahten acozah hnenah thuhla thlen ding in le harsatnak dang a um ahcun MOM lam khalin bawmnak an pek theitu khal acozah ṭuanvo neitu cun antar lang.

Singapore ah ramdang mi hnaṭuan bawmtu hi mi 230,000 lenglo an um tiah hminsin a siih, Indonesia, Philippine, Myanmar mi pawl hi tambik an si.#

– ST

Comments

comments

Comments

%d bloggers like this: