Singapore Ih Chinmi Degree Ngah Sunlawihnak Pe

Degree ngah

Salai Nung Lian Sum – M.Sc (International Political Economic) & Mai Lal Rin Kimi – M.Sc ( Digital Media Technology)

Kan Chinmi hmuntin ah fimthiamnak kan zirih mithian sang tampi kan suak vivo. A lungawi um tuk. Ramthumnak ah tla cun tlawng țhațha ih kai a tamaw vivo.

Singapore ram khalah kan Chinmi fimthiam zir kan tam vivoih kan Falam mi sungin degree ngah khal kan um phahphah thlang. Kan dungkum 2013 sungah FCFS sungtel sungin mi pali in degree an ngah ih FCFS biakinn ah sunlawihnak capi pek an rak si. Tuikum 2014 khalah FCFS sungtel mi pathum in degree lukhum an khum ih Chin Kum Thar puai tuahni October 5, 2014 Colhni sun mipi hmai ah sunlawihnak capi pek an si.

henry

Henry Van Lal Rem – (Diploma in Engineering business)

Degree ngahtu pawl tla cu:
1. Salai Nung Lian Sum – M.Sc (International Political Economic)
2. Mai Lal Rin Kimi – M.Sc ( Digital Media Technology)
3. Salai Henry Van Lal Rem – (Diploma in Engineering business) pawl an si.

Salai Nung Lian Sum le Mai Lal Rin Kimi cu 2014 Chin National Day ah CCFs (Chin Christian Fellowship Singapore) khalin sunlawihnak an rak pe zo. CCFs cun Master degree, doctor degree cin lawngin Sunlawihnak a pek thu khal CCFs hruaitu pakhat hnen in Chinland Today cun thu kan thei. Tuikum 2014 ah CCFs in degree ngahtu sunlawihnak capi pekmi mipum 7 lai an um thu khal theih a si.

Kan dung kum ah Nge Aan Politectnic ihsi tlawng thehtu (Atu RFA Chin Radio programme ih thuphuangtu) Mai Sui Cer Chin in Falam khawpi ih tlawngta nauhak pawl hnenah “Further Study In Singapore” timi thupi thawn presentation a neih thu khal GFYO sirhsan in theih a si.

Comments

comments

Comments

%d bloggers like this: