Singapore ‘We Got Talent’ Ah Chinmi Final An Kai

15134622_1170301019724567_222032204041604168_n

Singapore ram Hnem-um Ni (Foreign Domestic Workers Day) hrang tuahmi ‘We Got Talent’ zuamawknak ah kan Chinmi in item 3 in final an kai thu theih a si.

Foreign Domestic Worker Association Skill Training (FAST) tawlrelnak in A kum 7th nak Foreign Domestic Workers Day cu December 11, 2016 colhni sun zinglam 10 z.g in zanlam 5 z.n tiang Politecnic hall ah hlunghlai zetih tuah a si dingih cumi hrang “We Got Talent” zuamawknak neih rero a si. Kan Chinmi khal zuamawknak ah item 13 lai an telih item 3 in final an thleng. Singing solo in pahnih, contestant number 3 Khin Mar Yee, contestant number 13 Nilar Myint le dancing group in contestant number 30 FCF group pawl final an thleng. Final cu December 11, 2016 sun mipi hmai ah an zuamaw ding.

Himi ‘We Got Talent’ committee ih tel Mai Jamie Eng SinMawi cun mark pekdan thu ah, “A thok ahcun item zate thlirin 1st, 2nd, 3rd lawmman pek dingin kan rel nan neta ah singing solo a hranten, dancing solo a hranten le dancing group a hranten lawmman pek dingin kan relsal” tiin a si. Cuihlei ah sponsor an ngah betih himi puaipi ni hlasak thiam tam deuh sawm ding a si thu khal a sim bet.

#Himi ni hrangah ram dangdang in hlasak thiam sawm an siih, kan Chinmi hlasak thiam lakin Mai Kimmy le Mai Ginevy Sui khal sawm an si.

Mai Daidim

Comments

comments

Comments

%d bloggers like this: