Singapore Ah Chin Kum Thar Puai Hmang

Salai Lal Biak Lawm
Singapore

Singapore ih Chinmi pawl cun Falam Christian Fellowship pawl ih tawlrelmi Chin Kumthar Puai (Fanger Puai) cu Sunday sun 14 October 2012, ah tluangte’n Labrodor Park ah an hmang thei. Khawsung zinglam nazi 10 hrawng ihsin City Hall, Penisula Plaza ihsin tawlreltupawl ih san mi Bus pahnih khat in minung 200 hrawng cu puainak hmun pan in an feh suak.

Lai kum thar puai hi Pawlkom hotu Salai Lal Ram Lian in a hruai ih Salai Ram Ngai in Fanger puai thuhla simnak a nei. Cun, Saya Lal Liang Uk in thuthang ṭha simnak le thucah simnak pawl a nei. A hmaisabik caan an hman theh hnu ah rawl kil tlang khawmnak an nei.

Puai caan hman a vei hnihnak ah lenpannaklam in caan an hmang ih lehnaklam tawlreltupawl ih an tuah mi mipa tlanzuamawknak le nunau tlangzuamawknak ih teltu a pakhatnak ihsin pathumnak pawl tiang in laksawng an pe aw.

Lehnak phun dangdang an tuah ih team li, Yellow, green, Red, Blue tiah ṭhenaw in zuamawknak an nei.  Zanlam nazi 4 hrawngah City Hall lam pan in an ni sunglawi an cem ter  thu  Salai Afred Lianz cun CT hnen ah a sim thei.

(Visited 107 times, 1 visits today)

Comments

comments

Comments

%d bloggers like this: