Singapore Ah Chin Fala Inn Thuah 18 In Tla That

10403384_1439062169745756_101843321634896411_n

Singapore ih mi inn hnatuan bawmtu Mai Noami kum 26 cu, October 19, 2015 ah a umnak inn thuah 18 ihsin a tla ih a hmunah a nunnak a cem cih. Thaisun ah a ruang vuinak an nei cih ding. A mahte a dawp thla mi a si hmang tiah theih a si.

Mai Noami hi Singapore ah kum 2,  mi hnen ah hnatuan bawm in rak um zo mi a si. Tuitum khal a veihnihnak hrang August thla ah ah a feh sal ih, midang inn ah a um. Tui’ a umnak inn neitu hi Budhis sakhua be mi an siih, inn sang pathum, nauhak pakhat kum 5 tluk te nei mi an si.

‘A tlakdan thuhla ciangsawn zohfel dingin palik pawl in CCTV hminsin pawl tla an la’ tiin Jamie Engte cun Chinland Today Media ah a sim.

Thuhla kan donnak in, a lengsuak dingin October 18, 2015 (Sunday) zinglam 10:00 in a suak ih zaantlai 10:00 ah a tlung. Cutin a thaisun zinglam 7:45 hrawngah palik pawl cun a tlaknak hmun ah a nunnak a cem tin an puang.

Singapore um Chin mi pawl in tuizan ah a ruang tohpinak le khawhar umpinak an nei dingih cutin, thaizing 8:45 ah a ur kang ding.

‘Tu hi a ruang Singapore General Hospital ah an ret hrih lai. Khaw lam sungkhat pawl thaw khalin kan be aw rero ih thuhla kan tawlrel rero lai’ tiin, Falam Christian Fellowship Singapore, sungtuan Bawi Uk Thang cun a sim.

Mai Noami hi Cerh Hmun khua ih Pu Than Zam (tleicia) le Thantlang Peng, Tihbual khua ih Pi Sui Can (tleicia) tei fanau pathum lakih upa bik a si. An ni hi Tihbual ih um an si. A nau le pahnih cawm in Singapore ih hnatuan mi a si. A  nu le pa hi an nauhak deuh laih ihsin an thihsan mia si.#

Hi Thuhla pawl hi Mai Daidim, Chinland Today Media Assistant Editor ih ngaihven mi thawn bet cih ih ngan mi a si.

 

12170163_900430083378330_1116511180_n

 

 

 

Comments

comments

No Comments

  1. Lal Rin Thanga says:

    R.I.P

Comments

%d bloggers like this: