Sikh Tempel Ah Mi 6 Kap That

Mani, Sunday sun ah US Wisconsin ih Sikh temple sungah misual pakhat lut in mi 6 a kap that. Mi 6 kap thattu ih zummi hi palikpawl cun an kap that ve cih. Mi 6 kah thah mi lakah officer pakhat a tel ih vei 3 lenglo kah ngah a si thu police chief John Edwards cun a sim. Minung 4 temple sungah an thi ih mi 3 a leng ah an thi.

Wisconsin sizungpi ah mi pathum hliamhmapu in an um rero lai. Temple president Satwant Kaleka khal an kap ngah ih hliam a tuar ve. Satwant Kaleka 1996 ihsin temple a kil thok. Hivekih thihnak tuksumza a thlen hnu reilote ah palik ziangmawzat le damlo phurtu mawtaw 10 lenglo an ra thleng cih. US president Barack Obama le a innsangnu first lady Michelle Obama khal cun hi thuthang an theih tikah an riahsiatnak an langter ve.

Hi temple hi 1997 ihsin insang 25 pawlin an rak din. Sikh pawl hin Muslims thawn a bangaw mi biakdan an thlun lo. Sikhism biaknak hi kum 500 ihsin South Asia ram ih rak hmuhsuah a si. Himi biaknak thluntu hi leitlun ah million 27 lenglo an um. An mipapawl cun an pabikih rak tiam bangin an sam an met dah lo. US ah Sikhs mipi 500,000 lenglo an um.

(Visited 69 times, 1 visits today)

Comments

comments

Comments

%d bloggers like this: