Siibawi Thiambik

July 13
Tlawngkai Ninga

Siibawi Thiambik

Bible Siar Ding: Suahlannak 15:22-27

Keimah hi a lo damtertu Bawipa ka si.
– Suah. 50:21

Minung taksa ruangpum hi cipciarzet le theihthiam harze ih sersiammi a si, ih natfahnak asilole hriamhma kan ton hlan tiang cu amah kel te’n a ttha thei. Cumi hnulam cun co-u kan pek le kan thupittermi cu tidamnak (healing) hawl lampang ah a feh thlang. Pathian cu A Ttongkam sungah “Damtertu (Healer)” in a phuanglang aw nain a tidamnak langtermi le a thupitermi pawl hi milai ruah daan thawn cu a danglam.

Egypt sal an taanlai ah, Israel mi pawl cu anmah namnehtu zumlotu pawl ih tidamnak an thlir daan in an khuaruahnak a ciahneh. Pathian in Egypt sal taannak sung ihsin zalennak a pek tikah miphun thar dinhmun in Yahweh Pathian ih taa an sinak an zir saal a ttul. Tipisen tthen hnih ah tthen in Egypt raalkap kut sungih a run hnu rei lote ah, Pathian in A minung pawl cu in a theih lomi tidai kha in a hniksak. A liam ciami nithum lai ah Yahweh ih rundamnak vun ciingmang ding ai ah, phunzainak in Pathian an lehrul.

Pathian in tidai cu a thiangter saal, asinan A thupitermi kha Israel mi pawl a zirh hngai. Egypt ram ih an zirmi pawl kha hlonhlo tahrat in Amai’ thu an ngai ding a duh. Co-u an pek dingih a duhsakmi cu Yahweh Pathian thawn an pehtlaih awknak tidam ding hi a si. Bawipa cu a hmaisabik ih an ret asile thlarau daan le tisa daan ah a thluasuah ding. An hrangah Amah cu “Yahweh Rapha, Damtertu Bawipa (The Lord Who heals)” a si ding.

Pathian in kan leitisa hi damcakter ding a duh. Asinan kan thlarau nun tidam ding hi a thupitter (priority) sawn ih Jesuh Khrih thawngin Amah thawn pehzom awknak harhdam kan neih thei ding hi in duhsakzet a si.

Yahweh Rapha, ka nunnak hi Nangmai’ hmuh daan le co-u na pek daan vekin hmu thiam ve dingah in bawm hram aw.

Tuni ah Yahweh Rapha thawn a harhdammi pehtlaihnak nei thei dingin ziamgmi si co-u (priority) ka pek ding?

@ Ava Pennington

(Visited 21 times, 1 visits today)

Comments

comments

Comments

%d bloggers like this: