Siarmi Leng ah Feh

October 11

Nipi Ni

 

Siarmi Leng ah Feh

 

Siar:

Kolose 3:12-17

 

Nannih cu Pathian ih minung nan si; a lo duhdawt hai ih Amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung neemnak le thinsaunak pawl cu hnipuan bangtuk in hruk uh.     -Kolose 3:12

 

Kumkhat Sung Baibal:

–   Isaiah 37-38

–   Kolose 3

 

Pastor pa, Nitin Thlarau Rawl cabu paw khui ah? ti’n aw hro sia thinheng aw a ra. A suak netabik cabute Biakinn lenglam saangka kiang ah an ret man hrih lo. Casiar ttheutu pakhat in Biakinn hmai ih an ret lo ruangah pastor a ra tong. Cuih hmun ih ret ding cu Pastor ih ttuanvo a si lo nain kha tik caan ih a um lo ruangih nasazet ih mawhthluk awk cu tuar a har.

      

Cuih hronak aw ka theih tikah thinheng in ttha lozet ih biakson duhnak a ra suak. Nitin Thlarau Rawl cabute cu Khristian tthansonak le Pathian zaangfahnak nei thei dingih thapetu a si. Jesuh Khrih dungthluntu kan si vekin hih Nitin Thlarau rawl cabute a siartu cu Thlarau nun pitlinnak, zaangfah thinpemnak, tangdornak, thinlung neemnak le thinsaunak thawn tthanglian vingvo ding mi kan si. Paul in hnipuan bangtuk in hruk uh a ti (Kol. 3:12).

      

Kan thlarau nun kaihhruai awknak – Baibal siar, thlacam, Pathian biak tlangnak cu cuvial in tawp ta mai ding a si lo. Khrih ih nun daan ziaza bang vingvo ding, thlarau Thianghlim ih hruaimi si ding kan si. Thlarau nun tuah tthatnak cun Khrih ih thu kan thinlung sungah tampi nunter ding a si (Kol. 3:16). Kan tuah kan simmi poh ah lang ding a si.

      

Ka thinlung Pathian thawn bang ding ka duh,

Ka nunnak hmuahhmuah ah dik seh;

Ka ruahmi le ka ttongmi pawl in Amah sunloih seh,

Ka tuahmi hmuah in Amah cawimawi seh.

 

Bible zirnak cu thuhla in theihter men ding lawngah a si lo,

kan nun daan danglamter dingah a si.

(Visited 20 times, 1 visits today)

Comments

comments

Comments

%d bloggers like this: