Siangpahrang

Siar: Thuphuan 17:9-14

Annih cu Tuufa an do ding; sikhalsehla Tuufa le amah ih a kawhmi, a hrilmi le amah a rinsantu pawl in an neh ding, ziangahtile Tuufa cu bawi hmuahhmuah lakih Bawibik, siangpahrang hmuahhmuah lakah Siangpahrang sin a si. – Thuphuan 17:14

Kumkhat sung Baibal:   – Seemtirnak 20-22   – Matthai 6:19-34

Tuihsun hi Elvis Presley ih suahcam a si mi paziat in nan thei? Kum reipi hlasak thiam hminthang Misissippi mi a si. A thih hnu kum 39 hnak ih rei tiangah a hla, amah hngilh lonak thil tuahmi, a hmin ih tuah tlangmi pohpoh in kum tinte dollar million in paisa lut a um. Rock and Roll Bawipa ti ih hminthang Elvis cu “Siangpahrang” tiin an ko.

Hih leitlun hminthang thang pawl cu an liam saal vingvo. Mi nun an ciahneh daan tla a makzet dingih an dungthluntu pawl tla an parah rinsan tlakzet in an um ding nain kumkhua an daih lo.

Baibal in Jesuh cu kumkhua in siangpahrang a si a ti. Thuphuan 17 nak ah san netlam ahcun leitlun siangpahrang pawl in thuneih theinak kau dingin ttan an khuar ding a ti. Cubang pawl cu zo an si ti cu Baibal thiam pawl in an relkhawm rerolai na’n a palh thei lomi cu neh thei lomi pakhat a um. “Annih cu Tuufa an do ding; sikhalsehla Tuufa le amah ih a kawhmi, a hrilmi le amah a rinsantu pawl in an neh ding, ziangahtile Tuufa cu bawi hmuahhmuah lakih Bawibik, siangpahrang hmuahhmuah lakih Siangpahrang sin a si (Thup. 17:14).

Bawi Jesuh Khrih cu Siangpahrang a si, kumkhua in a uk ding.

Siangpahrang hmuahhmuah ih Siangpahrang,

Bawi hmuahhmuah lakih Bawi, atu kan thinlung,

In uktu cun nikhatkhat ah leitlun ah a hnangamnak,

A run keng ding, A cem dah lo ding.

Siangpahrang hmuahhmuah lakih Siangpahrang ukmi si hnakih thupi a um lo.

(Visited 23 times, 1 visits today)

Comments

comments

Comments

%d bloggers like this: