Siangpahrang In Meisa A Ngah Lo

Siangpahrang in meisa a ngah lo

Nepal ram siangpahrang Gyanendra cun nikhat ah nazi (12) sung lawng meisa (electric power) a ngah ih, zanlam ahcun thim lakah a um ringring tiah a ti.

Gyanendra cun ‘ram sungih mipi pawlih covo neihmi vekin kei khalin nikhat ah nazi (24) sung meisa ka ngah ding cu ka covo a si ve ding.

Acozah in inzohkil dan ahhin ‘fel lonak’ tampi a um” tiah lungawi lozet in a sim.

Nepal ram ahhin siangpahrang uknak (monarchy) cu kum 239 lai a um hnu ah siangpahrang netabik Gyanendra cun 2005 kum ah ‘kum (20) hrawng Nepal acozah dodaltu ‘Moist’ pawl cu ‘ka hlohter thluh ding’ a ti ruangah nasazet in buainak a suak ih, kum 2008 ah ‘Nepal ram cu ‘democracy’ ram a rak si.

Singpahrang Gyanendra cun acozah hnenah thuneihnak a ap ih, acozah cu ‘Moist’ pawlih hruaimi a si ruangah amah siangpahrang cu hramlak ih ‘ram tawinak ih colhnak ding inn’ a tuahmi ah an umter.

Ahlan ahcun  an siangpahrang cu an pathian (Hindu pathian Vishnu) taksa nei in an lakih um’ tiah an rak zum theu. Kum (20) sung Moist pawlih cangcaihnak ruangah Nepal ram ah mi 13,000 an thi. –Reuters

++++++++++++++++++++++++++++++++++++++++++++++++++++++

Sydney khawpi sung a him lo

Australia khawpi Sydney thlanglam ih um pawl cu May 24, 2010 ihsin an umnak inn le lo hmuahhmuah suahsan dingin theihter an si. Wollongong saklam tlangleng zin kiangih tikhuah (dam) cu tidai a khat (over flooded) ruangah thlanglam ih um pawl hrangah tihphan um a si tiah ‘State Emergency Service’ (SES) cun an sim.

SES pawl cun Sydney khawpi thlanglam ih innsang pawl cu an umnak an suahsan zo maw tiah inn khat hnu inn khat zohfelnak an tuah. Maya 26, 2010 tiang innsang (120) lai in an umnak an suah san zo ti a si. – AFP

Italy puithiam nauhak sualpitu kaih a si

Kan dung May 24, 2010 ah Italy ram ih puithiam (priest) Domenico Pezzini (kum 73) cu ‘nauhak (mipa) pawl rak ih pitu’ a si tiah an kai. Ahlan ih nauhak pawl zohkilnak ih a tuan laiah Pezzini cun nauhak kum (13) ihsin (16) hrawng cu a rak sualpi theu tiah cuih a sualpimi nauhak pawl cun an pitlin hnu ah palik pawl hnenah an sim tiah ANSA news agency cun an sim.

HIV khamnak hmang duh lotu kaih a si

Australia palik pawl cun HIV natnak nei cingih khamnak ding thilri pakhat hman hmang duh lotu Godfrey Zaburoni (kum 32) cu May 25, 2010 ah an kai. Godfrey hi ahlan kum (13) ah HIV natnak a rak nei zo ih, acozah hnenah ‘natnak nei pawl umnak ih um loin,amah le amah kilhimnak can pe sawn dingin’ a rak dil dah. Asinan a fehnak kip ah ‘nunau’ tampi hnenah natnak cu karhter vivo a rak tum sawn tiah palik thuneitu Detective superintendent Dave Hutchinson cun a sim.

Godfery hin palik pawl hnenah HIV khamnak thilri zianghman tel loih a rak ihpi zo nunau (12) lai cu an hmin rori in a sim zo ih, a dang (100) hrawng khal an um lai ding tiah palik pawl cun zumnak an nei. – dpa

(Visited 83 times, 1 visits today)

Comments

comments

Comments

%d bloggers like this: