Siangpahrang ih Puithiam

January 24

Tlawngkai Nili

 

Siangpahrang ih Puithiam

 

Bible Siar Ding: 1 Peter 2:9-12

 

Nannih cu hril cia miphun, Siangpahrang ih puithiam, miphun thianghlim, Pathian ih miphun bulce nan si.

– 1 Peter 2:9

 

Siangpahrang pawl le puithiam pawl cu dinhmun saang hleice in kan ruat. Annih pawl cun leitlun nunnak ah dinhmun hleice le sinak cuangce neitu pawl an si. Kanmah le kanmah hi siangpahrang pawl le puithiam hleice pawl ih sinak neitu kan si ve timi kan theih awk lo asile – kan nun daan le kan mizia tthabik khal ttihzah upat tlak in kan nung thei dah lo ding.

Tirhthlah Peter in Christian pawl cu “hril cia miphun, Siangpahrang ih puithiam, miphun thianghlim, Pathian ih miphun bulce” ati (1 Pet. 2:9). Gentile mi zumtu tampi cun cumi dinhmun an sinak kha cosang dingah an harsatzet. Hril ciami miphun: Israel. Siangpahrang ih puithiam: Judah cithlah Israel miphun ih tesinfa pawl le Levi ih hrinhnam puithiam pawl. Miphun thianghlim le Pathian ih minung: Israel miphun Abraham ih cithlah pawl lawng Pathian ih hrilmi le A minung ah kan ruat ttheu.

A ngaingai ti ahcun Christian pawl hi “Siangpahrang ih puithiam” kan si. Kan puithiam sang Jesuh thawn pumkhat kan si. Ni nikhat ni ahcun Amah thawn uktu kan si lai ding. Asinan pakhat le pakhat cuti’n kan pehtlai aw thei lo. Leitlun ih siangpahrang le puithiam thawn pehtlaih awk vek si loin Pathian Amah rori ih in pekmi A minung sinak vekin pehtlai aw ding kan si.

Kan ti awk thei ahcun sinak in pekmi “siangpahrang ih puithiam” kan si.

 

Bawipa Jesuh, Siangpahrang ih puithiam ka sinak thei aw loin le cumi vekin ka nun thei lomi hi in ngaithiam hram aw.

Tuni ah zumtu midang kha siangpahrang ih puithiam an si zia theithiam aw dingin ziangti’n thazaang ka pe thei ve ding?

 

@Ava Pennington

Comments

comments

Comments

%d bloggers like this: