Shania Twain Thihcilh Ve Tu Hnen Ihsin

February 18, 2013 1:58 pm

003ULC_Shania_Twain_0140

Shania Twain ih aw le zaihlapawl cun ka thisen zungzaam an hrawh theu. Chicago ih a concert pawl ka zoh hrimhrim ah tla hicun, to men theiloin zabawng  phah in ka rak laam ve rori.

Ka hrangah a aw hi, a mawi tihnak hmanin ka lung I kuai zawng a rak si ngelcel. Mipi thawngteel hmaiah duhtawk a taksa a leen sukso ih a haa hmailam eng sersite’n a hni phah in hla a sak hi cu aw! A tuarin, ka tuar thiam lo. Hivek ruangah a si ko ding, mino tampi uarmi nei in an rak thihzik theu ti tiang ka ruat.

Canada hlasak thiam langsar tak a siih August 28,1965 ah a suakih hla tampi a thun so vivo. Amah khalin hla a phuah ih a sak khal a sak cih thei. Leitlun mikip theih ih lar tertu cu 1995 ih a hlabuk “The Women in Me” timi a siih cumi hnu reilote 1997 ah “Come on Over” timi hlabuk a suah sal lala ih million 40 tiang a zuar suak thei. Cutin, November 2002 ahkhan “Up!” timi hlabuk a suah tikah leitlun mi tampi theih a si phah hial.

Mi harsa rethei pawl bawmnak ah sumpai tamzet a hlu lawng siloin Grammy Awards laksawng 5 lenglo a rak ngah ban. A hlabukpawl hi leitlun ramkip ah zuarin million 85 lenglo a zuar suak thei. A par mawi lai can ahkhan Robert John thawn December 28, 1993 ah an rak nei aw ih fanau tla an nei hngehnge. A pasal then in January 1, 2011 ah Rincon, Puerto Rico thawn an nei aw sal. Anih hi sa ei lo, hanghnah hangrah pawl lawng ei a si.

Leitlun scientists pawl cun Twain ih hmaifang cu leitlun hmai hmuahhmuah lakih perfect face (hmai famkimbik) sawisel bo tiah an phuang. A hla lakih a lar tertu pakhat leh cu “From this moment on, timi asiih May 3, 2011 ahkhan tlangzarhnak a rak nei.

Comments

comments

Powered by Facebook Comments

Leave a Reply