Shan Party Thar Din A Si

BBC | January 23

Taileng ti ih kawh a si theumi Shan-ni miphun lakih ramthukhel thenkhat pawl cun miphun dang vek ih Kawlram cozah thawn ramthu relkhawmnak khal siseh ram thuhla tawlrelnak ah an tel ve theinak ding hrangah Taileng Nationalities Development Party (TNDP) cu January 22, zarhpini (Sunday) ah an din thu Shan ramsung thuthangca in a tarlang.

Taileng Nationalities Development Party (TNDP) hruaitu pakhat a simi ramthukhel hmingthang Sein The Awng cun hi part an dinnak san cu ram remthatawknak ah theitawk ih a tulmi pawl rak tawlrel ve ding ah le miphun dang vek ih bangrep in covo an neih ve theinak dingah a si thu a rel.

Taileng Nationalities Development Party (TNDP) cu member 18 an si ih member thenkhat pawl cu Gia-phuu tiih Shan mipi in an theihlar zetmi Shan party pakhat ih rak tel zotu pawl an si.

A reihlanah ramthukhel party pakhat a si ngaingai theinak dingah register tuah an tum ih Kawlram in lailak-hrilawknak a neihmi ah cun tel an tum lo nan kum 2015 ih hrilawknak ah tel an tum a si.

Shan-ni miphun tamsawn pawl hi Sakein Division ih nitlaknak lam ah an um ih Kachin ram khal ah tam zet an um. Taileng Nationalities Development Party (TNDP) cu ramthukhel party a si theinak ding hrangih register an tuah fel ngah a si ahcun ramthukhelnak lam khal ah hmalaknak cak zet ih an neih tum thu an party hruaitu pakhat a simi Sein The Awng cun a rel bet.

(Visited 35 times, 1 visits today)

Comments

comments

Comments

%d bloggers like this: