“Shake It Off” Timi Ih Hlathu Ruk(fir) Puh Ruangah Taylor Swift In Cawhkuan Tong.

Taylor-Swift-Live-Singing-Performance-in-BlackPop khawvel ih milar le hlasak thiam Taylor Swift cu a hla”Shake It Off” timi ih hlathu ruk(fir) puh asi ruangah US dollar million 42(£27 million) cawhkuan ter asi.

Hi Taylor Swift ih music video “Shake It Off” hi mipi ngaithlak leh zoh a hlawh ih Youtube khalah billion khat leng lo zohtu a nei. Leitlunhuap music video lak khalih top ih lang ban asi ih UK phei ah cun hlalar bikpawl hmin list khalih a pahnihnak ih ding ban asi. Kum 2014 ah a tharih a rak larnak hla khal asi fawn.

US R&B hlasakthiam Jesse Braham cun Taylor Swift hin kum 2013 ih ka ngan mi “Haters Gone Hate” timi hla sung ta ka theihnak tello in hlathu in ruk(fir) tiah daan caphekpawl thawn Taylor cu court ih a khin bakah a music video track sung tiang khalah, ngantu dinhmun in keimah i ret ding asi tiah a sim ih hi hlathu copyright thuneihnak khal ka kutsung ah a um tiah a kam a kau bet.

Hi khinawknak ah Taylor lam ihsin aiawhtu dinhmun in daan milih thureltu ding khal hmuh ding beisei theih asi hmang ih tu tiangah ngaican asi hrih lai.

Mr. Braham ih nganmi hlathu “Haters gone hate” ti le “Playas gone play” ti khal a takram in Swift ih hla thunon(chorus)pawl ah an lang hngehnge. Cubakah Braham nganmi hla ih thunon, ” Haters gone hater, playas gone play/ Watch out for them fakers, they’ll fake you everyday” tile Taylor ih “Shake It Off” hla thunon “Cause the players gonna play, play, play, play, play/ And the haters gonna hate, hate, hate, hate, hate.” “And the fakers gonna fake, fake, fake, fake, fake” tipawl khalin an lakah phat rualloin thu a sim.

Taylor hin Braham hla ih music fehdan(tune) vek cun a cawng lo nan a hlathu cu a rak thursak ciang tiin a sim theih awm e!

Kum 50 ih upa mi Mr.Braham cun Swift hin ka hlathu vekih a ron ngan theinak ding san a umlo ih bakah ka hlathu le a hlathu a bang rorin’ an bangaw cetcet tiah a sim. “Haters gone hate” timi hla rak ngan lo sehla tuah “Shake It Off” timi hla a umlo ding tiah a simbet.

Mr. Braham hin a tirte ihsin hlangantu ah a hmin rak tarlang sak ding in le hi Pop singer milar Swift thawn selfie veikhat te la ding in a rak dil rero nan Swift cun a thil ngenmi cu makah thlaksak loin cutiin hi bang dinhmun an thlennak san asi. A hmasa ah cun hitiin ka fehliam ter men ko ding tiah Braham cun a rak ruat dah. Asinan caan ziang ti tluk a rei hmanah hi hla cu ka hla te asi ringring ko tiah a lung a rak dirsal.

Tui’ țum lawng siloin Taylor Swift hi a liamcia kaar khalah US radio DJ, David Mueller in zuknung thu thawn pehparin daan thawn a rak khing zo.# (BBC)

(Visited 658 times, 1 visits today)

Comments

comments

Comments

%d bloggers like this: