Sersiamnak: Thukam Thar Style

September 28

Tlawngkai Nihnih

Sersiamnak: Thukam Thar Style

Siar:

Efesa 1: 3-6

Leilung a sersiam hlan hman ihsin Pathian in kannih cu Khrih thawn kan pehzom awknak thawngin Amai’ hmai ah mi thianghlim le mawh nei lomi si dingin Amai’ taa ah in rak hril zo.     – Efesa 1:4

Kumkhat Sung Baibal:

–   Isaiah 5-6

–    Efesa 1

Thukam Hlun sungih mangbangza sersiamnak kan ruah tikah Pathian in lei le van ih ummi thil hmuahhmuah cu A Ttongkam in thu a pek hngai ih an ra cang.

Thukam Thar ah, “Leilung hramthok ihsin theih dah lomi thil kha an hnenah ka phuang ding,” (Matt. 13: 35) a ti. Pathian in zianghman a sersiam hlan ih thuthup pawl kha kan hnenah a phuang.

Matthai 25:34 ah, “Ra uh, ka Pa ih a thluasuah mi pawl, ra uhla leilung tuahtir ihsin nan hrangih rem ciami vancung uknak hi ra co uh,” a ti. Leilung a sersiam hlan ihsin Pathian in pakhat cio in thei ih kan hmailam thu khal a thei. Efesa 1:4 ah, “Leilung a sersiam hlan hman ihsin Pathian in kannih cu Khrih thawn kan pehzom awknak thawngin Amai’ hmai ah mi thianghlim le mawh nei lo mi si dingin Amai’ taa ah in hril zo,” a ti. Leilung a sersiam hlan ihsin Pathian in a netnak ah a faate a ra cang dingmi pawl a hmu cia.

Hih Thukam Thar Bible cacang pawl in Pathian ih kan thu a theih daan thazaang in pek ih mangbangza a simi kan thu in danglam in minung a sersiamnak Thukam Hlun seemtirnak a langter. Zianghman kan tuah thei lo nain in thei ciatu  huham nei Sersiamtu Pathian hmai ah ttihzah upatnak thawn kun ding kan si. Thukam Thar ih sersiam daan kan theihmi hi Pathian kan thangtthatnak ding thuhrampi pakhat a si.  – Dave Branon

Maw Bawipa, na thiltuahmi tampi,

Na fimnak ih na tuahmi;

Thil sersiam na thiam daan,

Lei le tipi ah na khahter. – Anon

Mi pakhat ciar hi Pathian ih duhnungza

sersiam daan danglamnak langtertu an si.

Comments

comments

Comments

%d bloggers like this: