September Ah Suu Kyi US Tlawng Ding

Atlantic Council Chairman le ahlan U.S. Senator Chuck Hagel in Suu Kyi cu a ra lai dingmi September ni 21, New York khawpi ah “visionary global leaders” a si ti nemhngehnak Global Citizen laksawng pek a si ding thu an sim.

Kum 67 asimi Suu Kyi hi 2008 ih “the prestigious Congressional Gold Medal” laksawng a ngah hnu laksawng la dingin Washington khawpi a feh hrih lo. John McCain le midang Ramkhelnak lam Upa pawlin “ Suu Kyi hi ziangtik caan khalah US in ra tlawng dingin sawm a si , a mah a man phawt ah cun” ti’n an sim bet.

Suu Kyi hi mi note a rak si lai, Oxford ih Buaih a lak thehhnu tiang kawlram hlasak thiam hminthang zet Ma Than E thawn New York City ah an rak um. Budget lam hna tuan phah in United Nations ah kumthum sung hna a rak tuan.

Cui hna a tuansungah a rualpi hlun, cozah hna tuan ve thotho thawi an um tlang lai khalah kawl tawng an hmang, mai tawng ten an tawng, kawl rawl an suang ih an rualpi American mi pawl tla an mai kawl innte Manhattan ah an sawm theu. A man caan ah New York zato innpi ah hnatuan a bawm phah theu.

Suu Kyi hi 1991, Norway ah Nobel Peace laksawng hlan asinan innsung khumtarhmi a si ruangah a va la thei lo.

Kum 15 tluk innsungih khumtarh a si hnu April thlaih Burmese Parliament ih hriltlinmi a si.

(Visited 30 times, 1 visits today)

Comments

comments

Comments

%d bloggers like this: