September Thla 2015 Ah, Leitlun Ah Ziangmi Pawl A Thleng Ding?

12002224_750325731762406_204762860665287884_nSalai Ma Ruat

Kha le!! September thla, leitlun ih an ngaihven zetmi le leitlun hngawng thei ding dinhmun ih siatnak rapthlak tak thil ra thleng ding ti ih an zum mi thla, September thla cu kan hmang thawk rero zo.Tuithla hi leitlun mi tam sawn cun thil ziang tal si maw, tui hlan ih a thleng dah lo mi a thleng ding ti’n zumnak an nei ih ngaihven khal a hlawh zet.

A san bikih an zum mi cu, tui thla hi Thlapi thisen bangtukih a sen ttum, ttum 4 nak le a zawnzawn ih a lang, a tawpnak khal a si fawn. Cui hleiah, Judah pawl ni pawimawh tak “Shemitah” kumtawpnak kum 7 bi le jubilee kum bi tawpnak khal a si fawn. A liam cia kum tampi khalah, tui can vek hi Judah hnam le leitlun ih thilthleng poimawh tampi a thlen can khal a si fawn. Cui hleiah, tulai leitlun dinhmun zoh sal tikah, cu bangtuk rinnak neih khal hi a awm ve ko.

Tui September thla ih thleng thei ding tiih, an zum mi pawl cu:

Tui thla September thla ah, United Nations General Assembly ah Palestinian State an pompi ding tin an zumnak neih a si. Palestinian Flag khal UN Headquarter ah an tar man ding. Hi mi hi kan Pathian ih duhlo zetmi a si. “Miphun hmuahhmuah cu ka ko khawm dingih, Bawipa ih thutthennak horkuam ah ka vun hruai hai ding. Ka miphun a si mi Israel ai-awh in an thu ka tthen ding. Ziangahtile ka minung pawl an ram ciar ah an tthek darh hai ih ka ram cu an tthen aw ttheh”. (Joel 3:2) tin kan Bible ah kan hmu.

Cule tui thla thotho ah, UN khawmpi ah hin New world order, leitlun pumpi hi thuneitu pakhat kut hnuaiih um ter an tum taktak thu khal theih a si. Hi mi thuhla ih hma la cak zet tu a mei muah tu bik cu POPE francis an si.Leitlun pumpi thuneihnak pakhat hnuai ih ret thu ah hin retheihnak a um nawnlo ding thu, minung dinhmun bangrep, sum le saw ah harsatnak um nawn lo ding, misual pawl hrem dan ci khat lawng hman ding thu…etc…hi bang pawl hi 2030 ih UN kawmpi Agenda a si. UN khawmpi ih an rel dingmi tla an si.

Hi thu pawl hi rak rel hlawhtling bang ta sehla UNO hi, leitlun pumpi ih thuneitu ah a cang ding. Cu ti cun leitlun ram tin ih mimal zalennak lak sak hngalh ding khal a si fawn.Kan Bible ih, SAHRANG in leitlun a uk ding arak ti mi cu, a ttan thok hngalh ding ti cu a fiang

Cu le tui thla hi leitlun pumpi ah, sum le saw lamah tlaksiatnak a ttan thawk an zum fawn. Cun tui thla thotho ah hin, Mateor an ti mi in kan umnak leilungpi a run deng ding ti ih zum khal a si. Antlantic tifinriat ah Meteor tumpi a tla dingih, cui Meteor tla mi cun Tsunami nasa tak, leitlunah a suak ter ding ti khal an zum.Hi hleiah, Mithianghlim lawr tvk le muslim pawl in an zawlnei ropi a lar awk ve ding an zum lai tak khal a si. Medle East ah Doawknak nasa tak suakin, Jerusalem Temple Mount khal Judah pawl kutah atluk ding ti khalin rinnak a nei.

Rel ding tampi a um, rel cawk ding khal a si lo. Kan umnak leitlun hi umnak tlak khal a si nawn lo.

Ziangkhal a si len, hi bang pawl thil thleng thei ding ih an zum mi pawl hi a thleng tengteng ding tinak khal a si cuang lo ih, thleng thei ding dinhmun ih mithiam pawlih an rindan men a si. A tikcu a ra thlen le kan thei leh mei kei cu..!! Thil thleng thei, kan Bible ih simlawkmi a si ti cu theihhngilh lo sehla. Thil ciang bik pakhat cu kan hman rero lai mi, kan can hi, kan Bible ih ni netabik can a ti mi kan thleng rero zo, a kim rero zo a si, ti kha theihhngilh lo sehla. Pathian tawng dingin mah le mah kan timtuah awk a cu zo a si ….kan leilungpi cu umnak tlak a si nawn lo……..

Comments

comments

Comments

%d bloggers like this: