Seherhnak Cakuat

Duhdawtmi UThangte,

Himi ca ka lo kuat hi mak na ti zet ding ka zum. Ka nunau sinak khal ruat loin ka lo kuat. Thinheng hram hlah maw. Ka lo ngai tuk. Kan dung zarhte ahkhan kan College tluangten ka thleng sal zo. Na buaizet phah cingten tlangleng hmun tiang in rak thlah ih ka lungawi tuk. Tlawng kan pih sung caan a a rei lo tuk ih pawi ka ti nasa. Kan college cu arak thing theh in ka thei.

Nang cu kan um tlang tinten capoh leh hnihsuak lawnglawng na rel theu ih na thinlung taktak ih na thurel tla ka hmuh dahlo. Asinan ka lo rinsan. Capoh tla na thiam…thinhar ih ka um caan khalah ka lo hmuh le cu, ka nuamawk sal theu. Ziangruang ah ti cu ka thei lo.

‘Cun fala na nei zo maw? Tiih ka lo suhmi kha in ngaithiam aw’. A tu ah ka ruatsal ih ka ningzak daan cu! Ka aa tuk ti? Mipa dang pawl hnen ahcun khavekin ka um dah lo nan sokhaw. Ziang ruangah ti ka thei lo. Ka lo kawmngaih em. Mi thinlung na theithiam ih mi “care” na thiam em fawn.

Na man caan ah mail in ca i kuat aw maw. Zangfahten. Cule, leng kan suah caan ah phone in ka lo biak leh ding maw. Na phone kha ziangtik hman ah rak swift-off hlah maw. Tlawng pih ding ka hngakhlap tuk zo. Thla in camcem aw. Ka lo ngai tuk. UThangte tu cu thal tlawngpih ih ka ra tlun caan ah Cinema kan zoh tlang ding maw.

Anetnak ah UThangte, Esther in a lo biak phahphah ti ka rak thei ih ka thin nuam lo. Minung cu tongkamthiam le simthiamzet an um…simthiamlo pawl, a tuah ih tuahsuakpawl khal an um thotho. Na rual ka sinak vekin fala thate na neih ding cu ka lo duhsak. Bye the way ka bag sung ah na pavua ka hmu. Tlawngpi le ka lo pe sal ding.

“UThangte, i mang ringring aw…ka thinlung ah na cam tuk …nan…”

UThangte na thinheng lo ti? Ka lo duhsak tuk ruang ah a si. Asinan, na fim tuk ko ih fala fim le aa cu na thleidang thiam ko ding ka zum. Ca saupi ka lo kuat ih na lau deuh ding ka zum. Kan kawm awk lai ih ka tongsual mi le na duhlo zawngih ka rak um pang le in ngaithiam aw maw.

Ca alo kuattu: LiLi Hniang

(Visited 56 times, 1 visits today)

Comments

comments

Comments

%d bloggers like this: