SEEMSUAHMI IH “TLEUNAK”

October 27
Tlawngkai Nihnih

SEEMSUAHMI IH “TLEUNAK”

SIAR:
Job 37:1-18

Pathian ih thilmak zetzet a tuahmi pawl cu kan thei thei dah lo ding;
Mangbangza a tuahmi pawl cu cem ni a nei dah lo ding.   -Job 5:9

KUMKHAT SUNG BAIBAL:
–    Jeremiah 12-14
–   2 Timote 1

Jamaica ih mangbangza tampi pawl lakah ahleice deuh cu Luminous tili
ih tidai um daan khi a si. Sun ahcun an ram saklam tifinriat kap ih um
tikel pakhat ve men a si ko. Zaan ahcun mangbangza  thil maksak
pakhat a rak si.
   
Khawthim hnu ih na va feh ahcun tilipi cu tleunak a neimi thil tampi
in a khatmi   na hmu ding. A caangmi a um tinten tili sungih ummi pawl
le tidai cu an vaam hiamhiam. Lawng na tolai ah nga ra feh bang sehla
tidai cu demde vekin a tleu ding. Tidai parah lawng a feh zurzo tikah
tidai cu a tleu thluh.
   
Pathian ih mangbangza a tuahmi pawl in kan khuaruah in harter ttheh.
Himi pawl cu Job 37-38 sungih a simmi Pathian ih kutsuak mangbangza
thil tampi lakih pakhat te men khi an si. Leitlun thil nasazet lakih a
cangvaih daan ngai hnik aw. Ziangti’n Pathian in khawdur thu a pe ih
nimthlakau a suahter daan na thei maw? (Job. 37:15). Tleunak khuitawk
in a ra ih thimnak teh khui in so a suah? (Job. 38:19). Pathian ih
sersiamnak maksak zia nimthlakau le ngate tleu thei tla kan hrang
ahcun mangbangnak taktak an si. Asinan Pathian in Job hnenih a sim
bangin leitlun ih mangbangza tinkim cu A kutsuak an si thluh.
   
Pathian ih mangbangza sersiammi kan zoh tikah, kan thuleh daan ding cu
Job vekin a si ve ding: Hipawl hi “ka hrangah mangbangza taktak an si”
(42:3) ti’n.

Thil hmuahhmuah an tleu in a mawi sersi,
A tum le a te sersiammi zate’n;
Thil hmuahhmuah hi fimnak le mangbangza an si,
Bawipa Pathian ih sersiam an si ttheh.

Kan khuaruahhar mangbangnak a cawl asile
Amah biaknak kan cawl tinak a si.

(Visited 24 times, 1 visits today)

Comments

comments

Comments

%d bloggers like this: