Secand-hand Zumnak

May 19

Tlawngkai Nithum

Second-hand Zumnak

Siar:

Thuthentu 2:6-12

Cule cuih san ih Israel mi pawl cu an thi ih cuih hnu ih a hung suakmi santhar cun Bawipa siseh, Bawipa in Israel hrangih a tuahmi hmuah-hmuah siseh, an thei lo.    -Thutthentu 2:10

Kumkhat Sung Baibal:

–   1 Sansiarnak 7-8

–   Johan 6:22-44

Singapore ih tthanglianmi ka si vekin tlawng ih ka rualpi hrekkhat pawl cu Jesuh Khrih an zum ruangah zumlotu an nu le pa in inn ihsin an dawimi ka theilai.  An zumnak ruangah an tuar ih an zumnak a cak sinsin. Annih thawn danglam in kei cu Khristian innsang ah suak in tthanglian mi ka si. Ka zumnak ruangah hremnak tuar lo hman ningla keimahte ka zumnak cakter sinsin ding ka si.

Joshua thawn ramtiam ah hmaisabik a lut tlaangtu Israel pawl cun Pathian ih thil maksak tuahmi pawl an hmu ih an zum (Thutthentu 2:7). Asinan cuih hnu ih a hung suakmi santhar mino pawl cun Bawipa siseh, Bawipa in Israel hrangih a tuahmi hmuahmuah siseh an thei lo (c.10). Curuangah tikcu caan rei lote ah Pathian nung cu an dungtun ih khuavang dang le an kiangkap ih a ummi pathian dang pawl an biak (c.12). An nu le an pa pawl ih zumnak an rak neihmi kha anmai’ bulpak zumnak si ve dingin an tuah lo.

Santhar mi pawl in anmai’ hlan san ih zumnak thawn an nung thei lo. San tinte ah mahte a hran ih zum kan ttul. Mahte bulpak ih zumnak kan neih lo ahcun harsatnak kan ton tikah zumnak ihsin lamdang ah kan pial thei.

San hnih, san thum, san linak Khriatian pawl in mangbangza ro an nei ding nain zumnak ah second hand a um lo. Pathian simmi hawl in na bul taa ah na tuah asile zumnak thar na nei ding (Joshua 1:8).  – C.P. Hia

A ttumsuk dah lo a dingmi zumnak,

Raal tampi in nen hai hmansehla;

A tthia dah lo ding,

Leitlun ziangvek mangbang vansannak hmanah! – Bathurst

Na zumnak hi na bulpak taa a si lo ahcun zumnak taktak a si lo.

Comments

comments

Comments

%d bloggers like this: