SAUDI ARABIA RAM BIAKNAK LAM HRUAITU PAWLIN ISIS DUH LO : KAN RAL TUMBIK AN SI TIIN SIM

Saudi Biaknak upa
Caleb L Ci Luai
Saudi Arabia ramsung ih Muslim biaknak lam hruaitu pawl cun, tufang leitlun ih a buaipi zetmi, ISIS pawl cu Muslim biaknak hnuai ih um an si nan, an cangvaih dan ruangah an duh lo thu le, an hrang an ral tumbik a si thu an relsuak.

Saudi Grand Mufti Sheikh Abdul Aziz al-Sheikh cun, “An cangvaihnak le an thil tuahmi pawl zoh tik ah, milai siatsuahtu an si. Hivek hi Muslim pawl ih duhmi a si lo ih, kan ral tumbik sawn an si” tiin a sim. Saudi Arabia ram hi Muslim ram a si nan, an zirhawknak hi Wahhabism timi a si ih, ISIS pawl thawn a danglam deuh.

IS pawl cun tufangah American rammi, thuthang latu James Foley an thatnak thu leitlun mipi theihin an phuanglang. Cun, Iran ram ih Christian Pastor thawngtla, Pastor Saeed Abedini khal that dingin hringhro nak an nei. Iraq ramsung ih Christian pawl cu an hmuhnak hmunhmun ah an that hluahhlo men. USA ih cangvaihnak parah, IS pawl cun phulei sam vivo an tum ve.

(Visited 614 times, 1 visits today)

Comments

comments

Comments

%d bloggers like this: