Sarah Palin- in President, Cuh A Tum

Sarah Palin- in President, Cuh A Tum

Tui Fox News hrangih hnattuan laitu US Alaska Governor hlun Sarah Palin in New York Times thuthangca hnenih a sim nakah kum 2012 US President, hrilawk leh nak dingah President, Obama cu a khinthlak thei tengteng dingih a zumthu a sim.

Kum 2008 US President, hril nakih Republican Party in  Vice President dingih an vorhsuak mi Sarah Palin hin kum 2012 ih President,hrilawk nakah cuh tengteng a duhthu a simih, Asinan himi thuah a sungkhat pawl a rawn hrih ciahlo thu a sim.

Burma Ram Election Result Ti Suak A Si

November ni 7 ih Burma rampi hrilawknak Result cu  Myanmar Union  Election Commission cun a tisuak ih, ralkap Cozah lamttang Union  Solidarity and Devolopmentb Party(USDP) cun  Parliament Seat1,154 sungah seat 883 an laiih, USDP hin seat um zat sungah 76.5% labanin  Majority an la a si.

USDP hi Prime Minister, U Thein Sin ih kaihhruai mi a siih, House of Representatives ah seat 325  a umih cumi sungah seat 259 an laiih, House oh Nationalities ah seat 168 sungah seat 129 an la ih, Region or State Parliament ih seat 661 um sungah seat 485 an la thotho.

SUDP hnuaiah National Unity Party (NUP) an umlaiih, himi pawlin  seat 63 an laiih, himi sungah seat 12 hi House of Representatives an siih, House of Nationalities ah seat 5 leh Region of State Parliament ah 46 an la a si.

Himi laiah Shan Nationalites Democratic Party (SNDP) khalin  seat 57 an laih, House of Representativeah seat 18 House oh Nationalites ah seat 3 leh Region or State Parliament ah seat 36 an la. Rakhine Nationalites Devolopment Party khalin  tui ttum hrilawknakah a zaten seat 35 an lave ih, National Democaratic Force (NDF) leh Mon Region Democracy Party (AMRDP) khalin  seat 16 a lave.

Isreal in Lebanon Ramri Ihsin  Ralkap La Suak Ding

Isreal Cabinet Minister pawlcun  Lebanon thawi an ritawk nak Ghajar saklam ihsi an ralkap pawl laksuah an remti thu an puang. Himi thuhla relkawmih Vote an laknakah Isreal Security Cabinet cun  Isreal Foreign Ministry in Lebanon thlanglamih UN ralkap um UNIFIL thawi Isreal ralkap laksuak danding thuhla reltlang ding an tiih, himi thuhi ni 30 sungah relfel dingih thutluk nak an tuah. Cumi hnuah Isreal Cabinet in a zohfiang sal dingih a pawmpi ta a tulding.

UNIFIL Commander, General Alberto Asarta Cuevas cun  UN Security Council Resolution 1701 nak daan vekin  Isreal Defence Force pawlcu Lebanon saklam Ghajar ihsin laksuak thluh an siding tiah a simih, cumi hnuah himi Scheme hnuaiah hin  Isreal khalin  thu neihnak a ham theilo dingih Lebanon khalin thu neih nak a ham theilo dingih, UNIFIL hi Lebanon ramsungih an um sungah cun  Ghajar kaingkap cu a thuhnuai ah an ret ding tiah a sim.

US Civil Cawimawi Nak Dawngtu Ding Hril Fiang Zo

United States ih Civil mi cawimawi nak sangbik  Presidential Medal of Freedom dawngtu ding minung 15 cu hrilsuak an sizo. Himi cawimawi nak dawngtu ding mi ropi pawl lakah milian cungcuang Warren Buffet, German Chancellor, Angela Merkel,  US President, hlun George Bush Senior, Yo, Yo Ma, pawlkhal an telih, himi cawimawi nakhi hnakum ah President, Obama in White House ah a hlan hai ding.

Himi cawimawinak hi leitlun minung pawl hrangih hanttuan tha an hawlnak ihsi an pekmi an siih, President, George Bush ih lal laiah khan CIA Director hlun  George Tenet leh Iraq ram dinsuah nak dingih rak hruaitu  L, Paul Bremer, leh Nelson  Mandela leh Boxer Muhammad Ali pawlkhalin an rak dawng zo.

(Visited 36 times, 1 visits today)

Comments

comments

Comments

%d bloggers like this: