Santhar Hlasak Thiam Mai Kimmy

-Uk Lian

Hlasakthiam le aw tha pawl hmakphek an ei lo an ti theu mi, thu ngaingai asi maw cu ka theilo. Mai Kimmy cu hmakphek ei lo cun a rawl-ei ka a thaw thei riai lo!

Hmakphek a ei ruangah a aw thatnak, a deem cuang lo in ka thei. Laimi hin cuvek thuhla, belciandawl lo rel ding kan nei tam zet. Cucu taan hrih sehla.

Mai Kimmy hin hlasak sual timi a nei pei maw ti khawp in, hla a sak caan ah sual zarh vekin a ralring thiam. Asinan a ralring ruangah, ralring hmuihmel keng lo in, lei dai lo vekin a hlasak caan ah, a hla ih zirin a thlengaw thiam ringring.

A aw a laai pei maw, a aw a feh sual pang pei maw tiih rak bawhtu hrang ahcun sakhan suak lo vek a si ding. ziangahtile annih hi, hlasak zuamawknak ih a telnak kip ah pakhatnak laksawng ngah ringring tu a si.

Hivekih, hlasakthiam a si ruangah Rangoon khawpi ah awnmawi thawn pumcawm hnatuan nei in a um. A nulepa umnak Tahan khal, a tlawng phahphah ko. Anih hi hlasakthiam aw tha men siloin, laam thiam ti khalin hmin nei a si.

Mithen khat cun a hlasak hnakin a laam ih a ruangruai a cangter lai an zoh duh sawn nan, a aw mawi te hin mipi thinlung a leem ngah sawn theu in a lang lala fawn, sim thiam a har, rel thiam a har.

Mirang hla a sak, Kawl hla a sak ih a laam an ti lai ah mipi zumnak hnakih sangsawn Pathian thangthatnak hla thianghlim te, santhar mino pawlih lungthlitum kimter dingin “Nelrawn Cirhti” timi 2015 ah album pakhat a rak suah zo. Mipi ih duh co in, Pathian thangthatnak hla lam ah a aw a lang sinsin.

Amah hi tongkam thiam le thurel mawi thiam asilo nan a zaihla thawn leitlun mawinak le duhdawtnak phunkim a sim suak theu. Hlasak le laam in USA, Norway, Australia le Asia khawmual pawl khal a rak thleng zo.

A tufang hi Melbourne, Australia ah a um ih Emmanuel Christian Church, Melbourne ih tuah ding mi gospel concert (April 1) ah hla 8 lenglo a sak ding. Australia ih Chinmipawl in a thuhla, a hlasak, a laam lai le a cangvaihnak pawl zoh an hiar zet thu kan thei.

Mai Kimmy hi midang hlasakthiam pawl thawn an bangawklonak san cu annih cu awm-mawi thawn pumcawm aw mi a si. Awnmawi pawl a tum thiam bet fawn. Awnmawi hi a sunsak ih amah khal awnmawi a si cih ko lo maw!

(Visited 162 times, 1 visits today)

Comments

comments

Comments

%d bloggers like this: