Santhar Awtha Whitney Houston Mangtha

Santhar mino pawl ih an uarbik lakih mi pakhat Whitney Houston cu February 11 ah a riah buuk ih tibualnak kuang sungah thi cia in an sar. Whitney hi a thih hlan te ah a tuahdah kello mi thil dangdang pawl mak leh danglam zetzet in atuah tiin a kiangkap ih a umpi pawl leh a mah ngainatu a rual tha pawl cun an sim.

A thihnaksan hi ziangruangah bikah a si ti theifiang dingin zingzoinak tuah rero lai a si. February 9 tlailam Leitlun awnmawi ih bik pawl hrilnak Grammy Award peknak ding hrangih timlamnak an neihnakah R&B lamih hlasak hminlar Kelly Rice thawn Pathian hla; Aw! Jesuh In Induhdawt ko, ti a sak ta. Grammy Award an pek zan ah Whitney hngilhlonak hrang awnlo ih upatnak leh thlacamnak neiin camkhat te an cawl.

Whitney a thi tiih thuthang ih an puan veten a hlasakmi pawl leh a paksai ih tuahmi hlabuk (Album) pawl cu iTunes ah a mah ngainatu leh leitlun mipi pawl ih lawk (download) tambik mi siin pakhatnak a ngah cih. A hlasakmi ropi bik pawl cu ; I Will Always Love you, I Wanna Dance With Somebody (Who Love Me), Greatest Love Of All, I’m Your Baby Tonight, How Will I Know, Didn’t We Almost Have It All, Saving All My Love For You, Where Do Broken Heart Go, I Have Nothing, I’m Every Women – ti pawl an si.

Kum 1963 ah Newark khua ah a suak ih Biak Inn ih Choir sak cu a awzai phosuahnak hmaisabik a si. Kum 1989 ah Brown thawn an rak nei aw ih fanu Bobbi Kristina an nei hnu rei lo te ah an then aw sal.

(Visited 39 times, 1 visits today)

Comments

comments

One Comment

  1. CT Pawl,

    Thuthang nan update tha tilo cu comment ding ciamco khal ka thei lo.
    Na ti tha ringring ti a si bik ko.

Comments

%d bloggers like this: