Sangvut vekin rial, Sui vekin khoh

April 25
Tlawngkai Nithum

Sangvut vekin rial, Sui vekin khoh

Harsatnak a phunphun nan tonmi ruangah caan tawite sung riahsia in um hman uhla lungawi in um thotho uh. Ziangahtile hih harsatnak nan tuarmi cu nan zumnak a ngai maw ngai lo ti theihnak dingah a si. A siat theimi sui hman meisa in hniksak a si ttheu. Cubangtuk in sui hnakih a sunglawi sawnmi nan zumnak cu harsatnak a tuarsuak theitu si dingah hniksak a ttul ve a si. Cule Jesuh Khrih a lang Ni ah thangthatnak, sunlawinak le upatnak nan ngah ding.
– 1 Peter 1:7-8

Bible Siar Ding: 1 Peter 1:3-16

Pathian Thu parah ding ngam in an umnak ding hmun a theitu an um ti ka zum. Nangmah cu hniksak na si ding. Peter in, “Ka duhdawtmi ka rualle uh, a harsazetmi hniksaknak nan tuar ruang ahhin mangbang in um hlah uh; zohman ih an ton dah lomi hniksaknak kan parah a thleng ce ti’n ruat hlah uh,” a ti. A harsazetmi hmun ah ret tla na si thei, na kiangkap in hell vekin sa hiamhiam ih kulh thluh tla na si thei, asinan Pathian in a lo umpi ding, a lo cakter dingih mangbangza ramri nei lo huham cahnak thawn a lo thuam dingih nehnak a lo pe ding. Pathian cun a thukammi a kimter ih nan tuar thei lo ding tiangin hniksaknak a thlenter lo ding. Hniksaknak nan ton tikah nan tuar theinak dingah thazaang a lo pe dingih cuticun nan luatnak dingah lamzin a lo sial sak ding (1 Korin 10:13).

Duhdawtmi zumtu, Khrih riantu na si ruangih hniksaknak na ton tikah Pathian in tuar theinak thazaang a lo pe dingih sui vekin a thianghlimmi zumnak hngetkhoh neitu ah a lo canter ding. Hniksaknak na tuarmi hi Pathian sungih dinhmun ttha sawn na neih theinak dingah an si. Thlacam lo le Bible siar lo pawl cu ziang ka cang ding ti an thei lo. “Ka ttonttaih caan hi ka cahbik caan si” (2 Korin 12:9) ti na theih ahcun meisa thawn hniksak na tuar hmanah Pathian ih huham lo cun nehnak an co thei lo ti na fiang ding. Thlarau Thianghlim in nitin in hruai ding. Harsatnak na ton caan tawite sung a si ih cumi in kumkhua hrangah sunlawinak a suahpi ding ti na thei ding (2 Korin 4:17).

Thlarau Thianghlim a cosangtu zumtu kan neih a ttul; Natnak damtermi zumtu kan neih a ttul; ziangahtile Pathian thawn hmaiton in kan tong aw lai ding. Mihrekkhat in Thlarau Thianghlim ih cangvaihnak kan ngai. Pathian in na umnak hmun ihsin Thlarau Thianghlim baptisma a lo coter thei. Pathian zaangfahnak ih thawt zia tep ngah hrih lotu tla nan um thei men. Nunak tidai sungah thup aw thlang aw. Zumtu unau, tuni rori ah Thlarau Thianghlim cosang aw. Ziangahtile Pathian in, “Tihaal mi hmuahhmuah in ra uh; nunnak tidai a duhtu hmuahhmuah in man loin ra in uh,” in ti (Thup. 22:17).

Hniksak tuar thei na zumnak in a dang hniksaknak tuar dingin a lo hruai.

@ Smith Wigglesworth

(Visited 32 times, 1 visits today)

Comments

comments

Comments

%d bloggers like this: