Sangka I Ontu Ding

13413572_1109056015818348_5810584967110143838_nNupa nei aw thar an rak um. An neihawk thluh ih ni hmaisabik ah, cumi ni ah an inn ih ratu cu zovek an si khalle sangka kan rak on lo ding, tiah lungkim tlangnak an tuah.

A ni hmaisabik ahcun a pasal ih nu le pa an ra. Annih nupa cu inn sunglam sangka phen ah an um. An nupa in an zoh aw. Pasal cun sangka on a duh nan, lungkim tlangnak an tuah zo ruangah sangka a ong lo. Curuangah a nu le pa cu an kir sal.

Malte a rei hnu ah a nupi ih nu le pa an ra thleng ve. Sangka phen ahcun an nupa in an zoh aw rero. Tawkfang ah a nupi cu a mitthli an rung luang ih, “Ka nu le pai’ parah hivek cu ka tuah thei lo,” ti phah in sangka a ong.

A pasal cun zianghman a ttong lo. Kum tampi a liam ih fapa pathum an neih hnu ah, fanu pakhat an run nei. An fanu suah ni ah a pasal cun an venghnen le rualpi hmuahhmuah sawm in puaipi a tuah.

Cumi zan an ih zawng ah a nupi in, an fa dang pawl hrangah puai tuah lo in, ziangruangah a palinak hrang lawng ah puai a tuah tiah a sut.

Cutikah a pasal cun, “Ziangahtile anih hi ka hrangih sangka i ontu ding a si!” tiah tluangtlamte’n a sawn.

Hram: Idle Hearts – She Is The One Who Will Open The Door For Me!

Sianglianuk Kianghrol

Comments

comments

Comments

%d bloggers like this: