Sangka Khar

January 12

Zarhte Ni

 

Sangka Khar

 

Bible Siar Ding: Matt. 23:13-24

 

Vancung Uknak sangka cu midang lut thei lo dingin nan khar ih nanmah le nan lut duh fawn lo;

midang luh a duh mi hrangah nan ong duh fawn lo.

–         Matt. 23:13

 

Midang pawl hrangah rundamnak sangka na khar sak dah maw?

Cumi cu si Jesuh in Farasi pawl ih thiltuah reromi a mawhthluknak cu. Vancung Uknak sungah anmah an lut duh lo lawng hman si loin midang pawl lut thei lo dingin an nuncan ziaza in an khar. Himi hi ziangti’n an tuah ti asile, rundamnak ngah thei dingih thiltuah ttulmi daan pawl cipciar le hnokzet in an tuah ih mi hrekhat hrangah hlawhtlinnak a malter.

Midang pawl Jesuh Khrih thawn pehtlai awknak nei in rundamnak sungih an lut theinak dingih thil ttulmi pawl kan tuahsak ciamco asile Farasi pawl ih palhnak kan cawng ve tinak a si ding. Christian tetti ttha siter kan duhtuknak ah midang pawl kha Christian an si/can hlan ihsin an mizia thianhlimter taa ding tla kan fial men thei. Hmanseh, mi zokhal Pathian ih tahnak tling ding khop ih thianghlim aw thei an um lo. Himi hi si Jesuh kan ttulnak san cu! A si, rundam kan si theinak dingah sualsir a ttul. Thianghlim awk a ttul, sihmansehla, kan nunnak zate in Jesuh Khrih cu Bawi a si kan ti theinak cu Thlarau Thianghlim ih hnattuannak lawngin a si.

Pathian in a hramhram ih a tuahter lomi thil pawl kha midang parah hramhram ih tuahter lo dingin kan ralrinzet a ttul. Midang hrangah Rundamnak sangka khar sak cu a nasazetmi dawnkhamnak a si.

 

Bawipa, Na Thlarau in Na hnenih na hiipmi pawl parah dawnkhamtu thil tuah ciamcotu si lo dingin, in bawm hram aw.

Midang pawl in Jesuh Khrih thawn pehzomnak an neih hlanah kan tuah ttul tiih an ruah dingmi thil ziangti’n ka neihter?

@Ava Pennington

Comments

comments

Comments

%d bloggers like this: