Sammi Ka Nei Lo Ding

May 22

Zarhte Ni

Sammi Ka Nei Lo Ding

Siar:

Jeim 4:1-10

Ka rilrawng hmansehla nannih ka lo sim hngai lo ding; Ziangahtile leilung pumpi le a sung ummi hmuahhmuah hi Ka taa an si thluh.  – Saam 50:12

Kumkhat Sung Baibal:

–   1 Sansiarnak 16-18

–   Johan 7:28-53

Muvanlai fano pawl cu zarh khat an kim hlan, seken malte sung hman an lu an tun  thei hlan ihsin rawl cuh aw in an to aw thei zo. An pianhmang cu a hmul um lomi pingpong bawlung kha a luu umnak hmun ih tohmi a bang. Asinan an nulepa in an bu sungah rawl an rak ken tinte’n a tumdeuh in a fate deuh cu rawl ei ngah lo dingin a dawn ringring. Rawl a har, asilole an nulepa in an ttul zat an pek thei lo ti sisehla cu hi tluk a puar hi theihthiam sak a si ding. Hmanseh an pahnih ei theimi hnak ih tamsawn in vei tampi ngasa pek an si ko.

A duhhamzetmi muvanlai faate ih nun in i vun mangter saalmi cu kannih zumtu pawl khal hi aazet in kan duhmi thil a si ahcun midang taa khal kan laak sak mai ttheu (Jeim 4:1-5). Pathian in kan rualpi, kan hnattuanpi, kan sungkhat unau le kan innhnen vengpa pawl hnenih a pek ciami thilri kha kan dawt le kan duh tikah rem awk lonak a suak ttheu. Pathian hnenah kan ttulmi dil sawn loin midang a pek ciami ngah kan tum ttheu (c.2).

Pathian cu kan zate parah a ttha. Midang pawl ih thilri neihmi pawl va daw rero kan ttul lo. Kan duhmi kan ngah theinak dingah ziangtik caan khal ah zohman va hnaihnok le va tuahmawh a ttul lo.

Vancung ih um kan biakmi kan Pa Pathian in mi hmuahhmuah hrangah an ttulmi hnakih tamsawn a nei a si. – Julie Ackerman Link

Thinlung diriamnak thuthup cu,

Mai’ nunnak kha Pathian cawmter hi a si;

Pathian cu a pakhatnak ah ret awla na ttuanvo ttuan aw,

Cun A Ttongkam ah hngatsan aw. – D. DeHaan

Kan ttulsammi in Pathian ih in somdawlnak a cauter dah lo.

(Visited 35 times, 1 visits today)

Comments

comments

Comments

%d bloggers like this: