Samari Miṭha Chin Sibawi Than Bil Luai

11011751_10206478769749721_1042571351763861181_n

Dr Than Bil Luai in mina puan a sinter

Chin tlangval pakhat cu lamzi sirah a tomi bite cangsual in a tlu. A kiangkap um mipi pawl cun, an parih thusuhnak le mawhpuhnak thleng ding an ṭih ruangah, tuamhlawm ngamtu le tham ngamtu an um lo. Sibawi Than Bil Luai cun a tomi mawtaw dunglam ah phur in a tuam hlawm.

Dr. Than  Bil Luai hi Chin Literature Fellowship ih hohanak ih tuah mi, Calai seminar pakhat ah thu simnak nei dingin, May 17, 2015 ah Zonuam khua, PCM biakinn ah a feh. An tlun phah in, hi mina tlangval, zohman ih tuamhlawm ngam lo mi cu a tuam hlawm phah.

‘Mi dang pawl cun an zoh ih, ziangtin a cang tiah pakhat le pakhat an sut aw, zohman in tuamhlawm ngamtu an um lo. Asinan kan dung ihsi Dr Than Bil Luai cu a mawtaw in a ra. Mipi um khawmnak hmun kiang a thlenin a cawl. A mataw ihsin a tum ih, mina tuamnak ding hrang puan a dil. Mina umnak hi zinpi lailak deuh a si ruangah, zin sir deuh ah mina cu a thawn ih cutin lampi ah a zoh khen. A mawtaw in Lepanchaung sikhan ah a phur ih, tlai lamah an mai sizung Wesley ah a phur.’tiin a hmun ih mina hmutu le zohtu pakhat cun Chinland Today hnenah a sim.

Sibawi a si ruangah a tuamhlawm ding mi a siko! tiin keikhal ka ruat ko nan, ka thinlung ih a rasuak mi cu, Sibawi pakhat sinak ih a lungthin lawng siloin kan mipi a duhdawtnak thawn hivek ih a tuamhlawm mi ka hmuh tikah ka upatnak le ka zohsannak hi a thuk sinsin ti in Mai Sokhleipar cun a sim ve.

Dr Than Bil Luai hin khawte ihsin sumpai neilo, mina pawl hrangah sumpai pek tullo in a sizung Wesley ah a lakin zohkhennak a pe theu. ‘Sumpai nei le neilo cu an ṭong dan le an um tu dan ihsin kan thei ko. Mi ṭhen cu nihnihkhat nan um bet a ṭullai kan ti tikah an sumpai ih a tlin nawnlo ruangah kan um bet nawn lo mai dingih kan inn lamah kan zoh khen aw ding, tivek in in ti. Ka theithiam mai. Cuvek pawl cu sumpai pek ṭullo in nurse pawl hnenah ka sim theu. Ka duh mi cu mina pawl in a taksa damnak ding lawng siloin thianhlimnak le hardamnak ngai thupi thei dingih fimzirhawknak neih ding hi a si, tiin Dr Than Bil Luai in Chinland Today Media thawn suhtonnak ah a sim.#

11137179_10206478776469889_3771958415466384940_n

Mina a hmuh veten a tum ih buan a dil..

11270228_10206478756709395_1863831078424864887_o

A mawwtaw dunglamah a toter

(Visited 2,573 times, 1 visits today)

Comments

comments

Comments

%d bloggers like this: