Sam Tom Khat

October 27

Tlawngkai Nithum

Sam Tom Khat

Siar:

Thutthentu 16:4-17

Bawipa cun Amah rinsannak thinlung a neitu hnenah thazaang cak pe dingin leilung pumpi hi a zoh ringring a si. – 2 San. 16:9

Kumkhat Sung Baibal:

–   Jeremiah 12-14

2 Timote. 1

Neil Armstrong cu Thlapi par ihsin a kir saal hnu ah thuthangca suahtu pawl ih hnaihnoknak a tongzet. A innsang pawl thawn mahte hlimphir ih um thei dingin khua fate pakhat ah an tthawn aw. Thil ttha lo cu cutawk khal ah a um thotho. Armstrong ih sam mettu pa in a sam tom khat mi in an lei duh ti a thei. Curuangah veitampi a sam a metsakmi a sam pawl a khawl ih $ 3,000 in a zuar. Armstrong cu a sam mettu pa ih rintlak lo a sinak parah a mang a bang.

Ca Thianghlim sungah, “Samson cu a sam na met lo pei, ziangahtile a suah ni ihsin Pathian hnenih pekmi a si dingih Nazirmi a si ding,” (Thutthentu 13:5) timi a um. Pathian  Thlarau cu a hnenih a um tikah a raal pawl neh theinak thazaang cahnak a nei (Thut. 15:4). Filistine pawl in neh an duh tikah amah thawn a duh aw mi fala Delilah cu a cahnak thuthup sut dingah an fial. A sam an tan ttheh asile a cahnak huham a hlo ding tiah a sim. Delilah in itthat dingin a leem, a awi ih a ihthah laifang ah a sam a tanter hngai (Thut. 16:5, 19).

Duhhamnak in Pathian le midang parah rintlak lo in siter ih thilsual in tuahter. Bawipa cun, “Amah rinsannak thinlung a neitu hnenah thazaang cak pe dingin leilung pumpi hi a zoh ringring a si,” (2 San. 16:9).  – Dennish Fisher

Maw Bawipa, ka thinlung hi rin tlak siseh,

Ka ttongmi le ka tuahmi hmuahhmuah ah;

Ka rinsanmi cu rualpi ttha a si lo tikah,

Ka thei Nangmah lawng ka beunak na si.   – Hess

Rintlak sinak cu a hmanmi duhdawtnak tahfung a si.

Comments

comments

Comments

%d bloggers like this: