Salai Thangte & Mai Tialte biakawknak (III)

Kan lai Fala le Tlangval Salai Thangte le Mai Tialte ih chat/biak awk nak hi siar a nuam zet. A cang theimi thil si loin a cang rero mi thil a si sawn ruangah a si.

Salai Thangte khal tlangval pa ngai zet zawnlung zet le rinum zet a si vekin a hmailam caan thuk pin a ruat…khat lam kau ah Mai Tialte an khua pawl ih vancungmi ti ih an kawhmi rori fala fel le thianghlim a si tikah tlangval menmen cun an dai ban lo cu a si. G-talk ih an biakawknak a veithumnak (III) nak a si.

A veikhatnak (I) a cem hnu ah a hlan ta pawl khal siar ding a hnuai lam ah a um. Mai Tialte cun hitin a thawk:—–


Tialte : Hi….dam maw?

Tialte : Kan dung kha meisa thim, thil dangah na ruat pang ding ka phang. Kawlram cu na theihcia vek, sun ah line cut lo le meisa thim theu.

Thangte : Aw ee, ka zum ko. Nan a taktak le taktak lo cu ka thei lo. Na sim mi cu ka zum theu ko.

Tialte : U Thangte nang theutheu hi cu aw…na thinheng maw I sim ta aw…? Heng lo ti…? Heng maw?

Thangte : Heng lo.

Tialte : Henglo ti cu heng deuh si pei cu…ti?

Thangte : Heng lo ve…a heng tla le ziang sawt, si lo maw….internet tivek le phone tivek cun bum awk ol em ti…?

Tialte : Ai, Ai, ka lo bummi si lo cuh! Taktak in meisa thim mi si kha…in ngaithiam aw maw…

Thangte : Ok Ok, a pawi lo ve.

Thangte : Tialte, ca ka lo kuat le mi na khirh tlai thei tuk ih, na buai deuh bang e ti…? Inn leng na ngah deuh si ding ka zum.

Tialte : UThangte, fala ka si ih a caan ahcun in leng ve ding a tul si. Asinan, cuvek ciammam cun ka buai lo sokhaw…na ca ka leh har le har lo thu ahcun nitin hin mail ka lut thei lo theu…man lo neuhneuh vek thawn…in ngaithiam aw.

Thangte : Ka lo ngaithiam ringring si e. Tulai cu ka it that theilo, thu ka ruat deuh maw si ding…hna tuannak le a sinpi lo..a.. a…a…

Tialte : UThangte ka lo bawm thei mi um maw? Thla ka lo camsak theu sokhaw…ziangmi na ruat…ziangmi ah khan na tluang lo…? In sim ding a pawi maw?

Thangte : Tialte, cuvek ih reltham cu si lo. Ka um daan a nuam lo ti men si ko…thla in cam sak ih ka lungawi…minung hi kan upat vivo cun thuruah a tul theu…ka nauhak kum 11 hrawng ih ka thuruah le a tui ka thuruah cu a thlau aw zet si….duh le duh lo in nupi tla nei ding kan si fawn tivek si ko…

Tialte : UThangte nangtla cu fala na duhduh na thlang thei ko si…e! nan in kiang ih Parte tla kha a fala lai so khaw…ka lo biak sak ding maw….? A mawi laifang an ti so khaw…lengtu tla a nei theu an ti, asinan zohman tlangval a nei lo tin an rel so khaw…ziang tin na ruat?

Thangte : Tialte, in ti hrim duh hlah aw…thu thaten ka lo sim sokhaw.

Thangte : Thil hi, a si daan vek cekci ih rel a tul maw si?

Thangte : Ka sim duhsan khal na thei ih hivek in, in ti theu cu a nuam lo.

Thangte : Kan dung vei hnih kan biak awk ihsin ka lo duh le uar zia sim ngam le ngamlo in ka lo sim.

Tialte : UThangte ka lo capoh lo pi. Fala pakhat ve ka siih cuvek men cun a theihlopi…fala ka sinak in ruahsak theu aw ka lo ti…duh awk men timi hi thil ol zet a si nan caan saupi hrang ah ruah tul mi a tam sawn lai so khaw….

Thangte : Tialte vei ziat ka lo sim ding? Tuini tiang kan be aw ih ca khal kan kuat aw…in duh le duh lo veikhat te hman in sim lo….in duh maw duh lo tiih thu ka lo suh le internet tivek ah cuvek an rel dah lo na ti…phone ih ka lobiak le phone ah cuvek duhdawtnak an rel kel lo na ti…a dik ko. Fala pa ngai zet na si ti khal ka lo thei…kei ka umnak US ihsin ra tlung ta hrat in ra lo sim ding cun ahar ve tuk fawn….ka lam hin tuah daan ding le ti daan ding tla ka thiam lo…hi tluk ka lo duh timi cu na thei ko nan…in sim duh lo mi a si…

Tialte : Ka thinlung a buai theh. UThangte ka suak men ding…ni dang le kan biak aw leh ding maw, thil dang pi ah ruah hlah aw…

Thangte : Hi hi si ko. Hivek thu ka lo relpi tinten na thin heng theu.

Tialte : UThangte mipakhat ih thinlung thei aw la cu na zangfak ko ding…na nawt sianglo ding…

Thangte : In sim aw la, a tul daan in kan ruat tlang ding si. Pitling na si ve ko. Ziang ah zep a tul.

Tialte : Duhdawtnak timi hi ka ruat thiamlo…ka theithiam fawn lo. Kan sungkua um tu daan pawl cipciar in lo ruah sehla na lung aa theh ding…cuvek dinhmun ihsi a thangliam mi kei hin nangmah vek Aaaa! Ka sim lo le a tha sawn ding…tuini cu ka thinhar tuk ih ziangtik ah kan biak aw sal ding?

Thangte : Ka lo phone sal ding…kawlram zan nazi 10:00 ah ka lo phone ding aw…

Tialte : Paisa na cem tuk ding.

Thangte : pawi lo ve.

Tialte : Si ko, in phone le thu kimcang ten ka lo sim ding.

Thangte : Rak it lo ten aw…

Tialte : Bye ka suak ding….Mangtha

Salai Thangte & Mai Tialte biakawknak Part – I (siar bet)

Salai Thangte & Mai Tialte biakawknak Part – II (Siar bet)

(Visited 77 times, 1 visits today)

Comments

comments

6 Comments

  1. Co awk hram haiseh.

  2. Ca ngan tu pakhat ciar kan hmuh dan kan ngan ih nan ca ngan pawl ka ruat sal theu tik kan Falam groups mail pawl kan nei hai ih cu mi lak ah Chinland groups ih to cu lung len a hnem Ca siar ding khal a tam

    hna a ngam na sa

  3. a siar nuam tuk……………

  4. Siar nuam ko dupdo,
    Tuisan IT san ah fala pakhat hman nei lo um hi ka mangbang

  5. Zawltling! a kum tel rei hnu ah himi biakawknak na comment ih ka tlangval lai i mangsuak ter sal sisi….

    Online ih ngaiawk le phone sung ih ngaiawk ka tep ih a har pam so khaw…
    Thangte le Tialte cu a nei aw zo si…

  6. CT pawl hi liamcia thil pawl nan porhsuak sal maw…?
    Ngai a va um maimai ve aw…

    Comment tla kan thiam vivo a bang.

Comments

%d bloggers like this: