Salai Thangte & Mai Tialte

Christmas hlan ih an biakawk net a si. Thla khat sung an biakawk nawnlo hnu ah Salai Thangte le Mai Tialte cu G-Talk ah an tawngaw sal.

Thangte : Hei, Tialte na dam tha maw? Ka lo ngai tuk

Tialte : Aw dam

Thangte : Ziangah kan dung ka lo biak laiah khan na sign out?

Tialte : Ka sign out lo. Kawlram cu Line le meisa a thalo tuk mi si.

Thangte : Na thinheng ah ka ruat ih cunah ka thin nuamlo em.

Tialte : Henglo e.

Thangte : Christmas le kumthar na hmang nuam maw?

Tialte : Nuamnak tla um lo nuamlonak tla um cuanglo.

Thangte : E! Tialte, connection tla a siat lala pang ding na phone number in sim aw. Please…

Tialte : U Thangte malten maw, ka rualpi Malaysia ih um pawl nih in biak, ka biak ve ta ding. Nang tla ka lo biak phah vek ko ding aw. Thil dangah ruat hlah aw. Ka rualpi pawl ka biak dah hai lo a tu hi kan veikhat tawnawknak a si ve i.

Thangte : Tialte, na um daan hi ka lo theithiamlo. Ka parah na thinheng ko cuh. In sim aw.

Thangte : Ziangtik ah ka lo biak thei ding. Ka lo hngak ko ding aw.

Thangte : Hello

Thangte : Na to lai ko maw?

Thangte : Hello

Thangte : Tialte zangfahnak ten in biaklo tla le na phone number in pe ko aw…please

Thangte : Tialte zangfahten na phone number in pe aw…phone in a lo biak pei?

Tialte : Kan khua na um lai ah kan phone a siat theh thu na thei ko ual…

Tialte : A tu Rangoon ah caan reilote sungvial ka cam ding ti tla ka lo sim zo ko si.

Thangte : Tialte Tialte, ziangah hi tluk in ka parah na thinheng aw…in sim ko aw..
Thangte : Na duhlo zawng ka tong pang le cu I ngaithiam ko aw.

Thangte : Chat awk ah le na ngan tha duhfawnlo. Phone ka lo set ding ti le number in sim duh fawnlo. Ca ka lo kuat le in pian duh fawn si lo, ziangtin ka tuah ding?

Tialte : E… E! ca in kuat dah maw…in mail maw? Ziangtikah khan..? I bum duh hlah aw.

Thangte : Kan dung kan biakawk theh ahkhan ka lo kuat cih ko ual…in reply duhlo mi cu!

Tialte : I bum tum rero maw?

Tialte : In kuat ahcun ka hmu ko pei cu ti…

Tialte : UThangte I bum tum ti…hla vang cun duhduh sim theih theh ko ual..

Tialte : In bum vivo ko aw la ngah ko si…Computer le kan thiam lem fawnlo.

Tialte : Bum kan olte si.

Thangte : Tialte kha tin ka lo ti dahlo ding…na zumlo le ka lo kuatmi ka rak past ding, rak zoh aw a date pawl tla rak zoh cih aw.

From Raltlanpa <suksoraltlanthangte@gmail.com>

to Vaapualsiang <senhrisiangte@gmail.com>

dateSun, Dem 22, 2008 at 6:10 PM

subjectRe: Na dam tha maw?

Mailed-bygmail.com

From: Thangte detailshow… reply…..

To: Tialte

Subject: Na dam tha maw?

Ka ngai zetmi Tialte…kan biakawk laiah in tlansan fawn. Na duhlo zawng ka tong ngahpang maw tin khua ka ruat rero. Na parah ka thinlung put hi adik in ka thei aw nan si. Ka tong suak pang mi le ka tuahsualmi na duhlo zawng a um pang le in ngaithiam aw maw Tialte…? Na thin naa ding ih a tongtu si hi ka duhlobikmi pakhat a si. Na phone number ka lo suh ruangah maw na thin heng? In ngaithiam aw maw. Tialte ka lo ngai theituk. Ka lo duhtuk si. Na hrangah san ka tlailo tuk maw…Kan khua ah khal ka lo duh zia na thei ko nan ti. A tu khal ah ka keel ko so khaw.

Ka thinhar theituk. Ziangruang bikah in zumlo timi ka theilo.

Ka lo duhzia tla na theih le cu in nautat ding ti ka phang phah ko. Cu tluk in a lo duhtu kei Thangte ka si. Ngaizawng na nei le cu in sim ko aw la.

Ka lo duhzia na thei leh cu in zangfah ve ko ding.

A lo duhdawttu

Na U Thangte

Thangte : Na hmu maw?

Thangte : Thuphan ka lo sim dahlo, ka lo bum dahlo, ka lo siangfan lo.

Thangte : Tialte, na siar maw?

Tialte : UThangte malten ka siar lai.

Thangte : aw

Thangte : Nuamten aw

Tialte : Aw, ka theh

Tialte : UThangte, ka lo sim zo kha. Kan umnak a hlat awk tuk ka ti zo kha.

Tialte : Ka typing le a cak fawnlo, ka lo simfiang thei lo…a cang theilo…thu tam tuk

Tialte : Thu ruah tul si. Zianghman tla ka silo

Thangte : Tialte, phone in ka lo biak sawn ding, na rual Nu Siangte tei fawnin ka lo biak pei cu ti?

Tialte : Ngah ko si…Siangte kha na uar ngai ti…?

Thangte : Aaaaa, Tialte ziangah hitin na um lala aw…Kan phone thalo nan ti ruangah panteh na rualnu Siangte inn ah ka lo biak ding ka ti…Siangte ka uar lo…nangmah ka lo biak duh, na thei maw?

Tialte : Siangte tei cu an lian si, a hmel tla a tha sawn si, biak ko aw la. Kei tla nangmah veikin USA ah um sehla cu fala ka duhduh ka thlang ve ding si. Siangte cun a lo uar em ding si…USA pipi um tla cu ti…a duh um ve em…ka rak lo biak ding maw…Nazi paziat ah na biak ding…?

Thangte : A A A! Ziangtin ka lo sim fiang thei ding. Ca ka lo kuat le na zum lo, ka lo chat le na thinheng fawn, phone in lo biak tum le phone sia na ti, na rualpi Siante tei phone in lo biak ding tile cu na thinheng lala fawn…Tialte hitinpi in um hlah aw la…ka tuar thiamlo ding pi …zangfahten Tialte plz…

Tialte : U Thangte in nautat timi tla ka thei ve ko si…A tu Rangoon ah VISA le Passport ka buaipi lai, ni khat nini ahcun kan ram ka suahsan dingih ram dang ka thleng ko ding si…

Thangte : Tialte, nan phone thatlo ka timi kha a siat lam in na lak ti…a silo cuh! Ka lo upat tuk, ka lo rinsan em! Nautat silo…Siangte kha tin in ti hrim hlah aw la…USA ahcun caan kan nei lo tuk ih hivek cun in ti sianghlah aw…Na thin naa ding ka duhlo. Caan um lo cingten ka lo biak hi…ka lo nautat lo..ka lo duhtuk ih ka lo upat em. Na thei ve ko kha…si lo maw?

Tialte : Si e, caan na nei lo le cu ka suak ding si ko, ka lo ti buai ti…?

Tialte : Siangte cu ka lo simsak ding maw? Nazi paziat ah kha…?

Thangte : Tialte, ka thin naa tuk so khaw…in duhlo le cu ka lo duhlo in ti ko aw…hivek ih mi thin har ter a tha lo so khaw maw…hi tluk ka lo duh tikhal na thei…I nautat sawn si…na fim tuk, ka thu lo sim mi le a um zia tla na thei tuk ko nan, in ti hrim ti ka thei ko…ziangah hi tin na um…thaten thu ruat aw…

Tialte : heeeeeeeee

Tialte : hi hi…

Tialte : ha ha ha…

Thangte : Hei, ziangah na hni ? Hnihsuak ka tuah maw?

Tialte : Ka lo hleh si kha…lo capoh men mi si..na thinlung cu ka thei theh si…UThangte na thinlung cu rak ropi ko ve he..he heee…na thin phang em maw…ka lo ngai ve tuk si..mi pa cu rinhlel nan um thei tuk ih ka lo buaiter lawk si kha…pawi lo ti, na thinheng em maw, ti pang maw..

Thangte : Huiha…huiha….ka thaw suak em…

Thangte : Ziangah caan ka neilo tuk si…

Thangte : Khavek emem in mi an ti kel lo so khaw…ka lungphang si, ka thin heng si…um daan ding tla ka thiamlo, ka pa zet nan ka tap zikte si…Siangte duhlo nangmah si duh…he..he..

Tialte : U Thangte a thupi tuk mi ka lo sut ding, ngah maw?

Tialte : Asinan, na thinlung taktak in sim a tul ding aw…

Tialte : In bum , tuphan na sim le na thi ding, ngah maw….

Thangte : Ziangmi si…aw ngah tuk e…

Tialte : Zianglo si, ziangruangah….

A va pawi ve aw…meisa thim ….

———Peh lai ding………….

Comments

comments

2 Comments

  1. Henry tuallawt says:

    E… khai a, hi Thangte le Tialte tei pahnih hel awk dan vawn siar cun thin a thar sal zuar zo thei a si si maw!. Tleirawl pek te tla mi a siar kir aw sal ter a si si. A ngai nuam in siar a manhla nasa. A peh khal kha rawn ngan loh li uh law. … Hngakhlap takin ka rak bawh tteng tteng e….
    A cangtu nu le pa nan thiam ka lo ti tuk…..

    Henry
    Manila

  2. Maktaduai si ko e… Thangte le Tialte chatting cu….

    Thangkolh
    D.C.

Comments

%d bloggers like this: