Salai Sen Ro Sang le New Delhi Chin Mi

DBCF Biakinn ih seminar tuah lai

Calai duhdawt ih hma la rerotu Salai Sen Ro Sang cu Chin mipi thawng 15 zik lai umnak New Delhi ah Calai seminar le kawhhran thansohnak seminar nei in caan a hmang rero. Salai Sen Ro Sang cu Chin beunak hawl pawl umnak khawpi pakhat New Delhi ah March 30, 2012 ahkhan Bangalore, India ihsin a thlen thu kan dawng.

March 31 ihsin April 1 tiang Delhi ih Fellowship, Kawhhran rak ding hmaisabik Delhi Burmese Christian Fellowship (DBCF) ah Senpi Lairel Daan timi seminar nak a nei ih mi 70 lenglo an suah khawm thu CT palai in a sim.

Cutin, Chin Nonawn Calai Pawlkom pawl ih tawlrelnak in April 2-3 tiang sunzan Calai Seminar hlunghlai zetin BCRC Hall ah Chin nonawn 45 lenglo suak khawm in tuah sal a si bet thu (CNCP) hotu pakhat Salai Lal Sawi Ceu cun a sim. Salai Sen Ro Sang cun Cakalhmang, Cacang Cawlh le Hminsinak tivek pawl ngai thupi in zirhtirnak a nei. 

Salai Sen Ro Sang cu cawl man lo in Living Faith Baptist Church (Delhi) ah Laica Fang Aw thu, Senpi Lairel Daan ni 2 sung a peh salnak ah zirtu 80 lenglo an poksuak tiah thu kan dawng bet. Tui, Sen Ro Sang ih ni 4 le zan 4 sung a zirhmi Laica pawl hi tui phunhrek ihsin phun 8 tiang zir ding mi Laica pawl an si tiah Salai Wesley cun a sim bet.

Salai Sen Ro Sang in New Delhi ih Chin-mi pawl ni reilote sung a tlawnnak ah kawhhran le khawtlang hmasawnnak tamzet a thlen thu Kawhhran seminar le calai seminar kaitu pawl cun an sim bet. Chin Nonawn Calai Pawlkom (CNCP) pawl khalin Salai Sen Ro Sang thawn calai seminar an tuahnak an diriamzet thu an sim.

Tuitum ih Calai Seminar siar telin New Delhi ih Chin Nonawn Calai Pawlkom pawl cun Calai Seminar vei 4 lenglo a tuah suak zo.

Comments

comments

4 Comments

  1. A va ropi dukdo ve aw. Manhla na sa. Ka thu theih dah lo lawnglawng si kan zir. Ka bulpak hrang hrimhrim ah lawknak ka ngah tuk.
    Ka lung a fum curco rori

  2. Saya Sen Ro Sang,

    Delhi Laimi pawl hrangah Pathian in lo hmang vivo hram she.

  3. Delhi calai duhdawttu pawl hrangah cun a lungawi um lawlaw.
    Saya Sang lungawi um na sa.

  4. Kere heu,,ziang le bang hai kei maw….

Comments

%d bloggers like this: