Salai Rajiv Hmeltheihternak Le Tonsuhnak

Chin awnmawi santhuanthu ih Pathian hla pawl mawi danglam zet le laithluk lanih Album pi pakhat suah theitu Kyaw Thet Zin @Salai Rajiv cu Chinland Today Media in mipi pawl hnenah hmeltheihternak neih dingin mallai tonsuhnak thawn caan kan rak lak.

Salai Rajiv hi Chin ramkulh Falam khawpi ah pitling mi a si. A pa Dr. Tin Htun Win le a nu Pi Lung Hnem hi Pathian duhzet le Pathian ṭihzat zet mi an siih a mah khal Pathian duhzettu a si. Cathiam mi filor a siih Thailand ram ah Auditor ṭuan in reizet caan a hmang hnu ah, tucu Yangon Khawpiih AGD Bank ah sinak sangzet thawn hnaṭuan a kai.

Chin santhuanthu ih Hla Rotling danglam le mawi zetzet ngantu a si.

A Hla Phuah Mi Lakih Turu Hrekkhat Pawl
Ai-hramnak : https://www.youtube.com/watch?v=GjnxuVXdd5g
Zumnak Tuannak: https://www.youtube.com/watch?v=BNqlOwCYQrE
I Humhimtu : https://www.youtube.com/watch?v=RFH8omkDD5o
Na Um Cun : https://www.youtube.com/watch?v=br9mRUyfFco
Kir Hlah : https://www.youtube.com/watch?v=kbuWYk_IYTI
Raithawinak : https://www.youtube.com/watch?v=ez-ltP-7Zv4
Ruun Inn Nuam : https://www.youtube.com/watch?v=bgDjVLOreVk

CT: Kum ziat hrawng in na phuah thok?

RJ: Kum 19 hrawng ah lawng CD tel tei mi ka ngan thok.

CT: Nangmah teh Music lam ah ziang mi na tum?

RJ: KB le guitar ka paih.

CT: Chin Music pawl hi pumcawmnak tlak ngaingai ding tiah na zum maw?

RJ: Aw, Zumko. San a thleng vivo ko.

CT: Chin awnmawi tumtu pawl ih kan thlengawk ṭul bikmi ziangmi si tiin na ruat?

RJ: Ka ruat mi cu fumfe te in mah thaw ngai mi line tuah sehla, a laar timen in tuah hlah sehla

CT: Love song le Pathian hla ziangtin na ruat?

RJ: A hlafang ah a thupi ka ti. Pathian hla hi a nuam ih thlawsuah cocuang in ka hmu. Cule Love song cu a um ṭul mi a si. Hnam pakhat ih nunphung tinkip ah a nei mi a siih, Love Song cu um tengteng ṭul mi a si ti in ka hmu.

CT: Tu ih nahla ngandan phungphai a simi Grunge Style hi Chin mino pawl in atcih dingin ziangtin na ruat?

RJ: An duh ngaingai ding a thupi. Ziangvek hla phungphai a si khalle an mah cio ah tahfungtling (Standard) an tlin ih cumi ah an um ahcun ṭha thluh ko in ka hmu. A thupi mi cu mahle duhmi phungphai dikzet ih theihngah ding kha a si.

CT: Cuti sile himi nangmah ih uarmi phungphai danglamzet hiteh uar dingin na duh sak hai maw?

RJ: Ka duh sak hai cuanglo. An thaw mimi kha ṭha ka ti hai ko. Nauhak lai ah cu ka uar mi music kha minih uarve ding ka duh nan tucu sinawn lo. Tucu mah uar mi lamzin cio ah a ṭhabik tahfungtling dingih tuah kha a duh sak.

CT: Ziang mi tumtahnak ruangah hivek Grunge Music in Pathian hla pawl na phuah? Mipiin an ei thei ban ding ti ah na zum maw?

RJ: Ka nauhak ten Petra Christian Band vek tuah dg ka tum tah. Mipi nih cu nuam teten an ei thei ko ding tin ka zum ko.

CT: Ziangtluk tiang mipi in an thawtnak an tep ban ding na zum?

RJ: Grunge mood kai ngah in cu tlan a theih nawn lo. An kai ngah leh ko ding.

CT: Cuti sile Grunge Mood timi hi ziangmi vek mood deuh a si? A maksak cenak te in rak sim thei pei maw? A ngai dahlo pawl ih ziangtin kan rak tep ve thei pei?

RJ: Grunge hi cu technique hnak in thlarau lam sawn a tam ih rock ciocio ah thlarau based deuh an si in ka hmu ih ka feel.

CT: Thlarau na timi te kha!!! Malten mipi pawl in vun sim fiang bet thei pei maw?

RJ: Thlarau ti tik ah a hla music nih thinlung le ruahnak zaaten a laak mi kha ka ti a music style nih in laak hlo thei mi kha si.

CT: Tui nahla tuah mi Album “Athar” timi hiteh ziangtin na tuah thok dan, na timlam dan pawl in sim thei pei maw?

RJ: Run inn nuam kha Cung Awng tlawngta pawl le Solomon MRH nih ka diriam zet ding in an sak ih cutin, Solomon MRH thawn Grunge style gospel album tuah ding in ka thinlung a um.

Cu hnu ni 13 sung ah hla 11 a pawt cih. Hlafang (Lyrics) kim rori in a pawt cih. Ka mang bang nasa. Cumi ihsin hlafing 9 kan hril.

CT: Himi na Album sung ihsi na duhbik mi hla ziang mi si? Ziang ruangah?

RJ: ‘Sal Au Aw’ timi kha ka duh. A thu le Music kaih zet in ka hmu. Thinlung mitthlam ah Jerusalem biakinn pi a siat thluh lai mitthlam ah a cuang.

CT: Tuiṭum na CD ih hlasaktu le music lam tumtu teh ziangtluk na diriam? Seherhnan thawn cumi khami te bet deuh seh timi na nei maw?

RJ: Tuiṭum music tumtu cu “Run inn nuam” lai ihsin ka duh tuk mi an si ih. Kan duh daan tete open zet in sim awk a theih. Ka diriam bik lai ko tutiang kan tuah mi hmuahhmuah ah.

CT: Tui na hla pawl hi biakinn ih sungah ziangtluk an sak ding na zum?

RJ: Himi album ah ka hla cu fing 2 hrawng lawng biak inn sung sak thei si ding ka zum. Gospel concert hrang deuh ka tum tah mi siih Petra te vek.

CT: Chin mi hlasak thiam lakah na hla sak thei dingih na ruah mi Solomon lo uar mi na nei maw?

RJ: Hehe… Kei mah si ding. Mona (Solomon MHR duhdawh) lo baak cu…

CT: Cuti sile anetnak lamah na phuah mi pawl ziangtin kan ngai thei pei? Love song teh na phuah maw?

RJ: Ka hla pawl hi Hla 13 timah ah Solomon in a sak tambik ih. Love song ahcun Nitlak timi ah ‘Na um cun’ ‘Kiir hlah’ ‘Raithawinak’ pawl tla an si.

CT: Tui nahla album thar phelziat nan suah?Khawi tawk in kan ngah thei ding?
RJ: Copy 1000 kan tuah ih, Falam Falam Hakha, Kalay, Yangon, USA, Australia, Singapore le Malay pawlah ngah a theih ding.

CT: Na caan sunglawi in rak pek ruangah kan lungawi.

RJ: Keikhal ka lungawi…

(Visited 417 times, 7 visits today)

Comments

comments

Comments

%d bloggers like this: