Salai Pu Van Ṭhio, UNGA Meeting Kai Dingin Pok Suak

Myanmar ramdingkhawm Vice President II Pu Henry Van Ṭhio le a kaihhruai a kaihza kil tlangbawi upa pawl cun vei 72nak UN Meeting pi kai ding in September 16 ni zanlam ah Yangon vanzam ṭumtual ihsin US ram lam pok dingin an zam suak.

Yangon ramṭhen CM U Phyo Myint Thein le ramṭhen Minister dang pawl in Yangon International Airport ah Vice President II Salai Pu Van Ṭhio cu an thlah tiin MOI cun a than.

A vei 72nak UN General Meeting pi ah hin Kawlram aiawh in Vice President II Pu Henry Van Thio le Humhimnak le ruahnak petu U Taung Htun le ramleng Minister U Kyaw Tin pawl an feh.

UNO ih zatlang thurelnak General Meeting UNGA cu September 12 – 25 tiang an zungpi umnak New York, USA ah lairelnak nei ding mi an si.

Hi lairelnak ih rel ding mi hrang ih an hril mi thulu cu, “Mipi bitum in; remdaihnak hrang ih hmatawng, nuntam neih sin ih reideih si thei ding” timi a si.

An thupi hrilmi densenih an hril mi Agenda 137 a um.

UN lairelnak ih thukensuah mi pawl cangsuak ko ih tawlreltu le sulsutubik ngaingai cu General Secretary a si. Tufang ih an GS cu Portugal ram president rak ṭuan dahtu António Guterres a si. GS hi cu kum 5 veikhat hrilnak an nei ṭheu. Myanmar ram ihsin UN GS hi U Thant in a rak ṭuan ih a peh in term 2 (1961-1971) a rak ṭuan.

Nikum ah Suu Kyi in meeting a rak kaiih a nikhatnak ah thuhla simnak a rak nei ve dah zo ih Rakhine ram ih Rohingya pawl buainak thu ah leitlun ramtam huap pawl ih cekfel kan ngam a si tiin a rak rel. Tuikum cu ramsung buainak tete le thuhla dang a um ruangah Suu Kyi a feh theilo ih a mai aiawh in Vice President 2 Salai Pu Henry Van Ṭhio a fehnak san cu a si.#

(Visited 83 times, 1 visits today)

Comments

comments

Comments

%d bloggers like this: