Salai PP in Delhi Chin-mi Pawl Hnen ah Vantlang Thusimnak Nei

SalaiPP

Salai PP in mipi thusim lai (New Delhi)

Chinland Today Media
By- Salai Star

Salai PP tiih theih laar zetmi Saya Vum Za Piang cu Kawlram Acozah ai-awh (representative) in Delhi ah Environmental Training kai ding ih a feh nak ah Delhi ih Chinmi pawl thawn, tonkhawm beruahnak Delhi Living Faith Baptist Church ah a nei.  

Hi, tonkhawmnak ih thazaang peknak le forhfialnak a neihmi pawl cu: (1) Tulaifang a thlengawk rero mi kan Kawlram dinhmun (Current Myanmar Transition), (2) A thlent-aw reromi Falam khua le miphun (Changes of Falam), (3) Falam mi in buaitertu le kan buaipi mi (Challenges of Falam) pawl tla a si. Kan kawlram hi a thleng-aw rero laifang a siih Pathina in thlawsuah a pek ih ahlan hnakin kan ram umtu daan pawl a thleng-awk rero zia pawl tla a sim

Kan Chin Khawpi pakhat a simi Falam hi a thangso vivo zo ih khuanu khuapa pawl ih hnatuan an taimak zia pawl siseh, kan Mino pawl Secular lam in siseh, Theology lam ihsin siseh, mifim, cathiam tamzet an um thu pawl siseh, hitivek in Pathian tihzah in ke kan kar vivo asile hlawhtlinnak hi kan dong vivo thlang ding thu pawl khal simnak anei bet.

Salai PP hi Mino pawl duhdawt ih fimthiamnak thawn tungdingtu a si. Falam khawpi ah kum ziangmawzat sung risantlakzet in Biaknak lam ah siseh, khawtlang lam ah siseh, Khua nu khuapa ih hohatu ah siseh, rampi dinhmun ah Chin miphun ai-awh ih Palai tuantu khal a si. Falam khawpi ah kum ziangmazat dung Boarder phuan in Chin mi ziangmawzat cathiam, mifim sersuaktu a si.

Comments

comments

Comments

%d bloggers like this: