Salai Ngun Rih Lian China Ram Ah Bawhlungsit Dingah Feh Ding

11759510_1164966156862491_60089870_nAustralia ih Chinmi suakthuan Salai Ngun Rih Lian (18) cu Gold Coast Academy aiawh ih bawhlungsit dingah hmaithla Fanger thla ah a rualpi 20 le zirhtu 5 pawl thawn China ram pan in an zam thlang ding.

China ih International Youth Games bawhlungsit zuamawknak ah vei 5 lenglo a lek ding. An fehnak dingih cem liam pawl hmuahhmuah MultiLink Community pawl in an tum ding thu khal CT palai hnenah a sim.

Salai Ngun Rih Lian le a rualpi pawl cu China ram bawhlungsit zuamawknak ih nehnak co dingah nitin an lek ringring.

Salai Lelian tikhalih kawh Chin suakthuan bawhlungsit thiam hi Australia a rualpi bawhlungsitpi lak khalah mi langsarzet pakhat a si. Queensland ih Southbank Tafe ah tlawngkai phah in bawhlung a lek ringring.

Amah hi a nauhak lai kum 7 a si ihsin bawhlung a sit ih tuini tiang a bawhlungsit lehnak a thlah dah lo. 2009 March 13 ahkhan Australia a thleng. Bawhlungsit lehnak thawn a pum cawm thei dingah ruahsannak a nei thu khal CT thuthang latupawl hnenah a sim.

(Visited 2,058 times, 1 visits today)

Comments

comments

9 Comments

  1. Rebecca Jahau says:

    Ka lung awi pi tuk, good luck , all the best

  2. Lelian,

    Ahmaisa bikah Pathian ka thangthat.

    Zuam sinsin aw..

    Na dunglam in thla kan rak cam ding

  3. Pathian in na lamtluan lo hruai sinsin hramseh ti ah thla ka cam!

  4. Chinmi

    Mai zawn cio ah hlawhtlin kan zuam dingih, Miphun cu kan khaisang aw asi mai. Minung pakhat a hlawhtling tikah, zocio khalin “kan miphunpi” tiin an ti duh cio. NgunRih, nan hlawhtlin cun nang khal mitin ih zauhmi na si ding.

    Cucu, midang hnenih, mai that thu va rel hnakin hmual a nei deuh. Chin nauhak, mino le mi dang dang hrang thazang laknak + Pitling zetih zuamtu mi tampi hruai theitu si hram aw. Khah!!!

    “” Melbourne Fang-er cu nan sung tho tho awm si. Nan khaw pawl cu!!!…””

    Alan

  5. Kan lai mi lakih hivek kan neih cu lungawi tuk lawmam Pathian in
    lam lo hruai vivo hramseh hi ti vek ih lo cawisang tu Pathian hngilh lo ten aw .
    David
    Adelaide

  6. Biak Sawn Lin says:

    New Delhi a um lai khalah a sit theu.
    Thiam zet a si.
    A tluang vivo ko ding.
    Ka duhsaknak ka hlan ve ee.

  7. A va ropi ve. Hlawhtlinnak hmuvivo hram seh. Miphun cawisangtu pakhat rori a si.

  8. Khuatinthang Hlawnceu says:

    Kan chin miphun chungin mah bantuk bawlung chuih thiam mi kan ngeih cu ka rak i lawm tuk ve. Hmailei a lamtluan ah Pathian nih hruai in thluachuah pe ko seh.

    Lomhpi nak he,

    Khuatinthang HLawnceu
    Battle Creek

  9. Pingback: Salai Ngun Rih Lian China Thleng Zo : chinlandtoday.info

Comments

%d bloggers like this: